ଫୁଲବାଣୀ: ଅବକାରୀ ଅଧୀକ୍ଷକ ସୁଶାନ୍ତ ପାଢୀଙ୍କ ନିର୍ଦ୍ଦେଶକ୍ରମେ ଏକ ୩୦ ଜଣିଆ ଟିମ୍ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଥିବାବେଳେ ଖଜୁରୀପଡ଼ା ଥାନା ଅନ୍ତର୍ଗତ ଗୁଦାରୀ ଗାଁ ନାଳ ନିକଟରୁ ୪୩୦ ଲିଟର ମହୁଲି ଜବତ ହୋଇଛି। ଏହା ସହିତ ୭୫୦୦ ଲିଟର ପୋଚ ନଷ୍ଟ କରାଯାଇଛି। ଏହି ଘଟଣାରେ ଜଣେ ଅଭିଯୁକ୍ତକୁ ଗିରଫ କରାଯାଇଛି।
ଏ ନେଇ ଅବକାରୀ ଥାନାରେ ଏକ ମାମଲା(୧୧୩/୨୫) ରୁଜୁ ହୋଇଛି। ଚଢାଉରେ ଅନ୍ୟମାନଙ୍କ ମଧ୍ୟରେ ଏସଆଇ ବିନୋଦ ବାସ୍କେ, ଭବାନୀ ଶଙ୍କର ସେଠୀ, ଏଏସଆଇ ସମୀର ରଞ୍ଜନ ଭୋଇ ପ୍ରମୁଖ ସାମିଲ ଥିଲେ। ମାଜିଷ୍ଟ୍ରେଟ ସୋମକେଶ ନାୟକଙ୍କ ଉପସ୍ଥିତିରେ ମଦ ଜବତ ଏବଂ ପୋଚ ନଷ୍ଟ କରାଯାଇଛି।
