ପାଟଣା : ଘଟଗାଁ ବ୍ଲକ ପଇଦାପାଟଣା ଗ୍ରାମ ପଞ୍ଚାୟତର ପଇଦା ପାଟଣା ଗ୍ରାମର ଫୁଟବଲ ପଡ଼ିଆ ନିକଟରେ ୫,୩୨,୦୦୦ (ପାଞ୍ଚ ଲକ୍ଷ ବତିଶି ହଜାର) ଟଙ୍କା ବ୍ୟୟରେ ତିଆରି ହୋଇଥିବା ଲକ୍ଷ୍ମୀ ବସଷ୍ଟପ୍ ବିପଦ ସଙ୍କୁଳ ଅବସ୍ଥାରେ ପହଞ୍ଚିଲାଣି। ଦୁଃଖର ବିଷୟ ବର୍ଷେ ନ ଯାଉଣୁ ବସଷ୍ଟପଟିର ଉପର ଛାତ ଫାଟି ତଳେ ପଡ଼ିଯିବା ସହ ବସିବା ପାଇଁ ଥିବା ପିଣ୍ଡି ଭାଙ୍ଗି ଗଲାଣି । ପିଣ୍ଡିର ପଛ ସମ୍ପୂର୍ଣ୍ଣ ଛାଡି ଯାଇଥିବାରୁ କେତେବେଳେ କାହା ଉପରେ ବିପଦ ସୃଷ୍ଟି କରିବ ତାହା କହିବା କଷ୍ଟକର । ତା ସହ ତଳେ ପଡ଼ିଥିବା ଟାଇଲଗୁଡିକ ନିମ୍ନମାନର କାମ ଯୋଗୁଁ ମାଟି ଦବି ଯିବାରୁ ଭାଙ୍ଗି ରୁଜି ଚୁରମାର ହୋଇଗଲାଣି। ସାମ୍ନାରେ ପଡିଥିବା ଟାଇଲଗୁଡିକ ଦବି ଯାଇ ବିପଦପୂର୍ଣ୍ଣ ଅବସ୍ଥାରେ ରହିଛି। ତେଣୁ ଯଥାଶୀଘ୍ର ଏହାର ମରାମତି କରି ବସ୍ ଯାତ୍ରୀଙ୍କ ସୁବିଧା ସାଧାରଣରେ ଦାବି ହେଉଛି ।
Popular Categories
Previous article
Next article