ଧାମରା: ଚାନ୍ଦବାଲି ସିଡିପିଓ-୨ଙ୍କ ଅଧୀନରେ ଥିବା ଫାର୍ଶିବନ୍ଧ ଅଙ୍ଗନଓ୍ବାଡି କେନ୍ଦ୍ରରେ ବହୁ ଅନିୟମିତତା ନେଇ ସାମାଜିକ କର୍ମୀ ସୁରେଶ ନାୟକ ଅଭିଯୋଗ ଆଣିଥିଲେ। ଅଙ୍ଗନଓ୍ବାଡିକୁ ଆସିଥିବା ସରକାରୀ ଅର୍ଥ ତୋଷାରପାତ କରାଯାଇଥିବା ନେଇ ଅଭିଯୋଗ ହୋଇଥିଲା। ଏହି ସମସ୍ତ ଅଭିଯୋଗକୁ ଦୃଷ୍ଟିରେ ରଖି ଗତ ୧୪ ତାରିଖ ଦିନ ସିଡିପିଓ-୨, ଜିଲ୍ଲା ସମାଜ ମଙ୍ଗଳ ଅଧିକାରୀ, ଜିଲ୍ଲା ପୋଷଣ ମୁଖ୍ୟ ଏବଂ ଅଭିଯଯୋଗାକରୀ ସାମଜିକ କର୍ମୀ ସୁରେଶ ନାୟକ ପ୍ରମୁଖ ଏକ ଆଲୋଚନାରେ ବସିଥିଲେ। ସାମାଜିକ କର୍ମୀ ନାୟକ ଏହି ଅଙ୍ଗନଓ୍ବାଡିରେ ବହୁ ଦୁର୍ନୀତି ହୋଇଥିବା ନେଇ ଅଧିକାରୀଙ୍କ ପାଖରେ ଉପସ୍ଥାପନା କରିଥିଲେ। ଏହି ସମସ୍ତ କଥାକୁ ଦୃଷ୍ଟିରେ ରଖି ଭଦ୍ରକ ଜିଲ୍ଲାପାଳ ଦୁର୍ନୀତିର ତଦନ୍ତ କରିବାକୁ ଏକ ୫ ଜଣିଆ କମିଟି ଗଠନ କରିଛନ୍ତି । ତଦନ୍ତ କମିଟିରେ ଚାନ୍ଦବାଲି ତହସିଲଦାର, ସହକାରୀ ଜିଲ୍ଲାପାଳ, ଜିଲ୍ଲା ସହକାରୀ ଶିଶୁ ମଙ୍ଗଳ ଅଧିକାରୀ, ସହକାରୀ ଜିଲ୍ଲା ସମାଜ ମଙ୍ଗଳ ଅଧିକାରୀ ଏବଂ ଚାନ୍ଦବାଲି ସିଡିପିଓ ରହିଛନ୍ତି। ସେମାନେ ତଦନ୍ତ କରି ଏହାର ରିର୍ପୋଟ ଜିଲ୍ଲାପାଳଙ୍କୁ ପ୍ରଦାନ କରିବେ ବୋଲି ଜିଲ୍ଲାପାଳଙ୍କ ନିର୍ଦେଶ କ୍ରମେ ଚିଠି ସଂଖ୍ୟା ୩୩୦୦/୦୧/୦୯/୨୦୨୫ରେ ଦର୍ଶାଯାଇଛି।
Popular Categories
Previous article
Next article