ସମାଜ ଡିଜିଟାଲ ଡେସ୍କ: ସମ୍ବଲପୁରରେ ମହାନଦୀର ୨ୟ ସେତୁରୁ ନଦୀକୁ ଡେଇଁ ପଡ଼ିଥିବା ଛାତ୍ରୀ ଉଦ୍ଧାର ହୋଇଛନ୍ତି। ଅଗ୍ନିଶମ ବାହିନୀ ସ୍ଥାନୀୟ ଲୋକଙ୍କ ସହାୟତାରେ ଛାତ୍ରୀଙ୍କୁ ଜୀବିତ ଉଦ୍ଧାର କରିଛନ୍ତି। ଏହା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ରବିବାର ଛାତ୍ରୀ ଜଣକ ଚାଉଁରପୁର ସେତୁରୁ ନଦୀକୁ ଡେଇଁପଡ଼ିଥିଲେ। ସେତୁ ଉପରେ ଏକ ସାଇକେଲ ରହିଥିଲା। ଏହା ସହିତ ସେତୁର ବାଡ଼ ଉପରକୁ ଏକ ବ୍ୟାଗ ଜବତ ହୋଇଥିଲା। ସେଥିରୁ ୯ମ ଶ୍ରେଣୀ ପ୍ରଶ୍ନପତ୍ର ମିଳିଥିଲା। ସେ କ’ଣ ପାଇଁ ନଦୀକୁ ଡେଇଁ ପଡ଼ିଥିଲେ ତାହା ଜଣାପଡ଼ିନାହିଁ।
