ଆଠଗଡ – ଆଠଗଡ ଥାନା ଅନ୍ତର୍ଗତ କନ୍ଦରପୁର ଗ୍ରାମର ଜଣେ ଯୁବକ ମହାନଦୀରେ ବୁଡି ପ୍ରାଣ ହରାଇଥିବା ଜଣାପଡିଛି । କନ୍ଦରପୁର ବାଉରୀ ସାହିର ସ୍ବର୍ଗତ କାଳନ୍ଦୀ ନାଏକଙ୍କ ପୁଅ କାହ୍ନୁ ଚରଣ ନାଏକ (୩୫) ବୁଧବାର ସକାଳେ ଦୈନନ୍ଦିନ ଭଳି ମହାନଦୀକୁ ଗାଧୁଆପାଧୁଆ ଓ ନିତ୍ଯକର୍ମ ପାଇଁ ଯାଇଥିଲେ । ମହାନଦୀରେ ଶୌଚ ହେବାବେଳେ ସିଏ ନଦୀରେ ବୁଡିଯାଇଥିଲେ।
ଖବର ପାଇ ଆଠଗଡ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲେ । ଅଗ୍ନିଶମ ବାହିନୀ ଦୀର୍ଘ ସମୟ ଖୋଜାଖୋଜି କରିବା ପରେ କାହ୍ନୁକୁ ଉଦ୍ଧାର କରି ଆଠଗଡ ଡାକ୍ତରଖାନା ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଆଠଗଡ ପୁଲିସ ମୃତଦେହ ଜବତ କରି ବ୍ଯବଚ୍ଛେଦ କରାଇବା ସହ ଏ ସମ୍ପର୍କିତ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି ।
