ସମାଜ ଡିଜିଟାଲ ଡେସ୍କ: ମା’ ସହିତ ଫୋନରେ କଥା ହେବା ବେଳେ ସର୍ଭିସ ବନ୍ଧୁକରୁ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି ଜଣେ ବିଏସଏଫ ଯବାନ। ମୃତ ଯବାନ ହେଲେ ଢେଙ୍କାନାଳ ଜିଲା ମାଳପୁରା ଗାଁର ସୁରେଶ ବିଶ୍ଵାଳ। ସେ ଜାମ୍ମୁ-କାଶ୍ମୀରରେ କାର୍ଯ୍ୟରତ ଥିଲେ।
ସୂଚନା ଅନୁସାରେ, ସେ ସୋମବାର ନିଜ ମା’ଙ୍କ ସହିତ ଫୋନରେ କଥା ହେବା ସମୟରେ ଏଭଳି ପଦକ୍ଷେପ ନେଇଛନ୍ତି। ଏହା ପୂର୍ବରୁ ସେ ଆତ୍ମହତ୍ୟା କରିବାର କାରଣ ସମ୍ପର୍କରେ ମା’ଙ୍କ ଫୋନକୁ ମେସେଜ ପଠାଇ ଜଣାଇଥିଲେ। ମେସେଜରେ ସେ ନିଜ ସ୍ତ୍ରୀ, ସାନ ଭାଇ ଏବଂ ଶ୍ଵଶୁର ଘର ଲୋକଙ୍କୁ ଦାୟୀ କରିଥିବା ଜଣାପଡ଼ିଛି।
