ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ଆମ୍ବପୁଆ ରିଜର୍ଭ ପୁଲିସ ପରିସରରେ ଥିବା ମହିଳା ପୁଲିସ ବାରାକରେ ଶନିବାର ସକାଳେ ଜଣେ ଯୁବକ ହଠାତ ପଶି ଜଣେ ମହିଳା କନଷ୍ଟେବଳଙ୍କୁ ମାରପିଟ କରିବା ସହ ଅସଦାଚରଣ କରିଥିବା ଅଭିଯୋଗ ହୋଇଛି। ଏହି ଘଟଣାରେ ଗୋପାଳପୁର ପୁଲିସ ଜଣେ ଯୁବକକୁ ଥାନାରେ ଅଟକ ରଖି ତଦନ୍ତ କରୁଛି। ଅଭିଯୁକ୍ତ ଜଣେ ଯବାନ ବୋଲି ଜଣାପଡ଼ିଛି।
ସୂଚନା ଅନୁସାରେ, ଶନିବାର ସକାଳ ପ୍ରାୟ ୮ଟାରେ ଅଭିଯୁକ୍ତ ଜଣକ ବାରାକରେ ପଶି ଜଣେ ମହିଳା ପୁଲିସ କନଷ୍ଟେବଳଙ୍କୁ ପଛ ପଟୁ ଭିଡି ଧରିବା ସହ ଗାଳିଗୁଲଜ କରି ସହ ମାଡ଼ ମାରିଥିଲେ। ପରିସରରେ ଥିବା ଅନ୍ୟ କନଷ୍ଟେବଳମାନେ ଆସି ଅଭିଯୁକ୍ତଙ୍କୁ କାବୁ କରି ଗୋପାଳପୁର ପୁଲିସକୁ ହସ୍ତାନ୍ତର କରିଥିଲେ। ଅଭିଯୋଗ ଆଧାରରେ ପୁଲିସ ଏକ ମାମଲା(୨୬୭/୨୫) ରୁଜୁ କରି ତଦନ୍ତ ଚଳାଇଥିବା ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ ସୂଚନା ଦେଇଛନ୍ତି।
