କାମାକ୍ଷାନଗର : ଚାରିମାସର ପ୍ରେମ, ପରେ ଘରୁ ଲୁଚି ବିବାହ ଓ ଚାରିଦିନ ପରେ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର। ଏପରି ଅଭାବନୀୟ ଘଟଣା ଦେଖିବାକୁ ମିଳିଛି କଙ୍କଡାହାଡ଼ ଥାନା କନ୍ଧରା ଗ୍ରାମରେ।
ସୂଚନା ଅନୁସାରେ ଚଳିତ ମାସ ୨୫ ତାରିଖରେ ପରଜଙ୍ଗ ଥାନା ହାତୀଲୁଚାଣୀ ଗ୍ରାମର ବିରେନ ନାୟକଙ୍କୁ ପ୍ରେମ ବିବାହ କରିଥିଲେ ନାବାଳିକା। ବିରେନ ଢେଙ୍କାନାଳ ବସଷ୍ଟାଣ୍ଡରେ ପାଣି ବୋତଲ ବିକ୍ରି କରୁଥିଲେ। ଉଭୟ ଘରୁ ଲୁଚି ବିବାହ କରିଥିବା ବେଳେ ବିରେନ ନିଜ ଶ୍ୱଶୁର ଘରକୁ ଆସିଥିଲେ। ତେବେ ସେଠାରେ ଉଭୟ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ମୋବାଇଲ ଫୋନକୁ ନେଇ ପାଟିତୁଣ୍ଡ ହୋଇଥିବା ବେଳେ ସନ୍ଧ୍ୟା ସମୟରେ ନାବାଳିକାଙ୍କ ମୃତଦେହ କନ୍ଧରା ଗ୍ରାମ କାଜୁ ଜଙ୍ଗଲରେ ଝୁଲନ୍ତା ଅବସ୍ଥାରେ ଗ୍ରାମବାସୀ ଦେଖିବାକୁ ପାଇଥିଲେ। ପରେ ପରିବାର ଲୋକ ଖବର ପାଇ ଘଟଣାସ୍ଥଳରେ ପହଞ୍ଚି ପୁଲିସକୁ ଖବର ଦେଇଥିଲେ। ଘଟଣାସ୍ଥଳରେ କଙ୍କଡାହାଡ଼ ପୁଲିସ ପହଞ୍ଚି ଅଗ୍ନିଶମ ବାହିନୀ ସହାୟତାରେ ସ୍ଥାନୀୟ ଗ୍ରାମବାସୀଙ୍କ ଉପସ୍ଥିତରେ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ କାମାକ୍ଷାନଗର ମେଡିକାଲରେ ଭର୍ତି କରିଥିଲା। ନାବାଳିକାଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ମୃତଦେହ ବ୍ୟବଚ୍ଛେଦ ରିପୋର୍ଟ ପରେ କାରଣ ସ୍ପଷ୍ଟ ହେବ। ତେବେ ପୁଲିସ ନାବାଳିକାଙ୍କ ସ୍ୱାମୀ ବିରେନ ନାୟକଙ୍କୁ ଅଟକ ରଖି ତଦନ୍ତ ଜାରି ରଖିଛି।
ଚାରିମାସର ପ୍ରେମ, ଘରୁ ଲୁଚି ବିବାହ, ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର
Popular Categories
Previous article
Next article