ଲଣ୍ଡନ: ଭାରତୀୟ ଟେଷ୍ଟ କ୍ରିକେଟ ଦଳର ଅଧିନାୟକ ଶୁଭମନ ଗିଲ୍ ଚଳିତ ଇଂଲଣ୍ଡ ବିପକ୍ଷ ଟେଷ୍ଟ ଶୃଙ୍ଖଳାରେ ଚମତ୍କାର ପ୍ରଦର୍ଶନ କରୁଛନ୍ତି। ଗିଲ୍ ୪ଟି ଟେଷ୍ଟ ମ୍ୟାଚରୁ ୮ଟି ଇନିଂସରୁ ୪ଟି ଶତକ ସହ ୭୨୨ରନ କରିଛନ୍ତି। ଗୁରୁବାରଠାରୁ ଦି ଓଭାଲରେ ଖେଳାଯିବାକୁ ଥିବା ଅନ୍ତିମ ଟେଷ୍ଟ ମ୍ୟାଚରେ ଯଦି ଗିଲ୍ ଆଉ ୨୫୩ରନ କରିପାରିବେ ତେବେ କ୍ରିକେଟ କିମ୍ବଦନ୍ତୀ ସାର ଡନ ବ୍ରାଡମାନଙ୍କ କୀର୍ତ୍ତିମାନକୁ ଭାଙ୍ଗିବାରେ ସଫଳ ହେବେ। ଏକ ଟେଷ୍ଟ ଶୃଙ୍ଖଳାରେ ସର୍ବାଧିକ ରନ କରିବାର କୀର୍ତ୍ତିମାନ ସାର ଡନ୍ ବ୍ରାଡମାନଙ୍କ ନାମରେ ରହିଛି। ବ୍ରାଡମାନ ୧୯୩୦ ଆସେସ ଟେଷ୍ଟ ଶୃଙ୍ଖଳାରେ ଇଂଲଣ୍ଡ ବିପକ୍ଷରେ ୯୭୪ରନ କରିଥିଲେ। ୫ଟି ଟେଷ୍ଟ ମ୍ୟାଚରୁ ବ୍ରାଡମାନ ଉକ୍ତ ରନ କରିଥିଲେ। ବ୍ରାଡମାନଙ୍କ ଉକ୍ତ କୀର୍ତ୍ତିମାନ ୯୫ ବର୍ଷ ହେବ ଅତୁଟ ରହିଛି। ଗିଲ୍ ବର୍ତ୍ତମାନ ଭଲ ଫର୍ମରେ ରହିଥିବାରୁ ଦି ଓଭାଲ ଟେଷ୍ଟରେ ଆଉ ୨୫୩ରନ କରିବା ସହ ବ୍ରାଡମାନଙ୍କ କୀର୍ତ୍ତିମାନକୁ ଭାଙ୍ଗିପାରିବାର ସମ୍ଭାବନାକୁ ଏଡାଇ ଦେଇ ହେବ ନାହିଁ।
