ସମାଜ ଡିଜିଟାଲ ଡେସ୍କ: ଆଇପିଏଲ ସମୟରେ ଟିକେଟ ଦୁର୍ନୀତି ମାମଲାରେ ଗିରଫ ହୋଇଛନ୍ତି ହାଇଦ୍ରାବାଦ କ୍ରିକେଟ ସଂଘ ସଭାପତି ଜଗନ ମୋହନ ରାଓ। ସଂଘ ଭିତରେ ଆଇପିଏଲ ଟିକେଟ ଦୁର୍ନୀତି ହୋଇଥିବାବେଳେ ଏଥିରେ ଜଗନଙ୍କ ସମ୍ପୃକ୍ତି ଥିବା ନେଇ ଅଭିଯୋଗ ହୋଇଥିଲା। ତେଲଙ୍ଗାନା ଭିଜିଲାନ୍ସ କମିସନ ଦ୍ଵାରା ଏ ନେଇ ଏକ ରିପୋର୍ଟ ଦାଖଲ ହେବା ପରେ ଅପରାଧ ଅନୁସନ୍ଧାନ ବିଭାଗ(ସିଆଇଡି) ପକ୍ଷରୁ ଜଗନଙ୍କୁ ଗିରଫ କରାଯାଇଛି।
ସୂଚନା ଅନୁସାରେ, ଜଗନ ଏବଂ ଅନ୍ୟ ପଦାଧିକାରୀମାନେ ସନରାଇଜର୍ସ ହାଇଦ୍ରାବାଦ(ଏସଆରଏଚ) ଫ୍ରାଞ୍ଚାଇଜ ଉପରେ ଚାପ ପକାଇ କୋଟା(୧୦ପ୍ରତିଶତ)ଠାରୁ ଅଧିକ ଟିକେଟ ଦେବାକୁ ବାଧ୍ୟ କରିଥିଲେ। ଏସବୁ ଅତିରିକ୍ତ ଟିକେଟକୁ ପଦାଧିକାରୀମାନେ ବିକ୍ରି କରି ବ୍ୟକ୍ତିଗତ ଭାବେ ଲାଭବାନ ହୋଇଥିଲେ। ଏହି ସବୁ ତଥ୍ୟ ଗଣମାଧ୍ୟମରେ ପ୍ରଘଟ ହେବା ପରେ ଭିଜିଲାନ୍ସ ପକ୍ଷରୁ ଖୋଳତାଡ଼ ଆରମ୍ଭ ହୋଇଥିଲା।
ଆଇପିଏଲ ଟିକେଟ ଦୁର୍ନୀତି ମାମଲା, ହାଇଦ୍ରାବାଦ କ୍ରିକେଟ ସଂଘ ସଭାପତି ଗିରଫ
Popular Categories
Previous article
Next article