ନୂଆଦିଲ୍ଲୀ: ପୁଲ୍ୱାମା ସନ୍ତ୍ରାସବାଦୀ ଆକ୍ରମଣ ଘଟଣା ପରେ କାଶ୍ମୀର ଛାତ୍ରଛାତ୍ରୀଙ୍କ ଉପରେ ଆକ୍ରମଣ କରାଯାଉଥିବା ବିଷୟକୁ ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାବଡେକର ଖଣ୍ଡନ କରିଛନ୍ତି। ନୂଆଦିଲ୍ଲୀରେ ସାମ୍ବାଦିକମାନଙ୍କ ଏକ ପ୍ରଶ୍ନର ଉତ୍ତରରେ ଶ୍ରୀ ଜାବଡେକର କହିଛନ୍ତି, କାଶ୍ମୀର ଛାତ୍ରଛାତ୍ରୀମାନଙ୍କ ଉପରେ ଆକ୍ରମଣ ସଂକ୍ରାନ୍ତରେ ଯେଉଁଭଳି ଭୟ ସୃଷ୍ଟି କରାଯାଉଛି, ସେଭଳି କୌଣସି ଆକ୍ରମଣ ହେଉ ନାହିଁ। ସେ କହିଛନ୍ତି, ସେହି ଅଞ୍ଚଳର ଲୋକେ ପୁଲ୍ୱାମା ସନ୍ତ୍ରାସବାଦୀ ଆକ୍ରମଣ ପରେ ରାଗି ଯାଇଛନ୍ତି; କିନ୍ତୁ ଏହି ଘଟଣାରେ କୌଣସି ଛାତ୍ର ଛାତ୍ରୀଙ୍କ ଉପରେ ଆକ୍ରମଣ ହୋଇ ନାହିଁ।
