ପାଟଣା : ପାଟଣା ବ୍ଲକ ସଭାଗୃହଠାରେ ଆଜି ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କ ମିଳିତ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛି। ଶିବିରକୁ ମୋଟ ୬୫ଟି ଅଭିଯୋଗ ଆସିଥିବାବେଳେ ଜିଲ୍ଲାପାଳଙ୍କୁ ଅଭିଯୋଗ ଶୁଣାଣିରେ ବିଭାଗୀୟ ଅଧିକାରୀମାନେ ସହଯୋଗ କରିଥିଲେ। ଏହାଛଡା ଶିବିରରେ ଜିଲ୍ଲା ଖଣିଜ ପାଣ୍ଠି ସହାୟତାରେ ୭ ଜଣ ଦିବ୍ୟାଙ୍ଗଙ୍କୁ ବିଦ୍ୟୁତ ଚାଳିତ ୪ ଚକିଆ ବଣ୍ଟନ କରାଯାଇଥିଲା। ଶିବିରକୁ ଆସିଥିବା ମୁଖ୍ୟ ଦାବି ମଧ୍ୟରେ ପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ବିଶେଷଜ୍ଞ ଡାକ୍ତର ନିଯୁକ୍ତି, ପାଟଣା ବଜାର ଅଞ୍ଚଳରେ ଦୋକାନ ଭଙ୍ଗା ଯିବା ପରେ ମଧ୍ୟ ଡ୍ରେନ ନିର୍ମାଣ କାର୍ଯ୍ୟ ବିଳମ୍ବିତ ଏବଂ ଉଠା ଦୋକାନୀଙ୍କୁ ଥଇଥାନ ପାଇଁ ଦାବି ଥିବା ବେଳେ ମଙ୍ଗଳପୁର ଠାରୁ ଭୀମକୁଣ୍ଡ ରାସ୍ତାର ପ୍ରଶସ୍ତି କରଣ କାର୍ଯ୍ୟ ଶିଘ୍ର ସାରିବା ଏବଂ ମଲ୍ଲୀପଶି ଛକ ଠାରୁ ଚିନାମାଳି ରାସ୍ତା ର ଉନ୍ନତିକରଣ ପାଇଁ ମଧ୍ୟ ଦାବି ହୋଇଥିଲା। ଅନ୍ୟାନ୍ୟ ଦାବି ମଧ୍ୟରେ ଭତ୍ତା, ଆବାସ ଆଦି ଅଭିଯୋଗର ଶୁଣାଣି କରାଯାଇଥିଲା। ଜିଲ୍ଲାପାଳ ଵିଶାଲ ସିଂହଙ୍କ ସହ ଆରକ୍ଷୀ ଅଧିକ୍ଷକ ନିତିନ କୁଶଲକର ତାଗଡୁ, ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ କୁମାର ନାଗ ଭୂଷଣ, ଡିଏଫଓ ଏଚ ଡି ଧନରାଜ, ଅତିରିକ୍ତ ଜିଲ୍ଲାପାଳ ମନ୍ଦରଧର ମହାଳିକ,ଉପଜିଲ୍ଲାପାଳ ଉମାଶାଙ୍କର ଦଳେଇ, ସିଡିଏମଓ ଡାକ୍ତର ବିନୋଦ ବିହାରୀ ମିଶ୍ର,ଜିଲ୍ଲା ଶିକ୍ଷାଧିକାରୀ ପୂର୍ଣ୍ଣଚନ୍ଦ୍ର ବରିହା, ଜିଲ୍ଲା ମଙ୍ଗଳ ଅଧିକାରୀ ପ୍ରବୀର କୁମାର ଦେଓ,ଜିଲ୍ଲା ଯୋଗାଣ ଅଧିକାରୀ ବିପ୍ଳବ କେଶରୀ ସାମନ୍ତରାୟ ଓ ପାଟଣା ବ୍ଲକ ପ୍ରଶାସନ ପକ୍ଷରୁ ବିଡିଓ ମାନସ କୁମାର ଦଣ୍ଡପାଟ, ତହସିଲଦାର ଆଶ୍ୱିନୀ କୁମାର ନାଏକ ଶୁଣାଣିରେ ସାମିଲ ଥିଲେ। ଶିବିରରେ ଜିଲ୍ଲା ଓ ବ୍ଲକ ସ୍ତରର ବିଭିନ୍ନ ଲାଇନ ବିଭାଗର ଅଧିକାରୀ ମାନେ ମଧ୍ୟ ସାମିଲ ଥିଲେ।ଏପିଓ ଦୀପକ କୁମାର ବେହେରା, ଜିପିଡ଼ିଓ ରଶ୍ମିରେଖା ମହାନ୍ତି,ଓ ଅନ୍ୟମାନେ କାର୍ଯ୍ୟକ୍ରମର ପଞ୍ଜିକରଣ କରିଥିଲେ।
Popular Categories
Previous article
Next article