ନୂଆଦିଲ୍ଲୀ : ଦିଲ୍ଲୀରୁ ଲେହ ଯାଉଥିବା ଇଣ୍ଡିଗୋ ବିମାନର ଗୁରୁବାର ଜରୁରୀ ଅବତରଣ ହୋଇଛି । ବିମାନରେ ଯାନ୍ତ୍ରିକ ତ୍ରୁଟି କାରଣରୁ ପାଇଳଟ୍ଙ୍କ ସୂଚନା ପରେ ବିମାନ ଉଡାଣ ଭରିବାର କିଛି ସମୟ ପରେ ପୁଣି ଦିଲ୍ଲୀ ଫେରି ଆସିଥିଲା। ବିମାନକୁ ଜରୁରୀ ଅବତରଣ ସମୟରେ ମଧ୍ୟ ଯାତ୍ରୀଙ୍କ ମଧ୍ୟରେ ଭୟ ସହ ହଇଚଇ ସୃଷ୍ଟି ହୋଇଥିଲା । ପରେ ଯାତ୍ରୀଙ୍କ ପାଇଁ ଅନ୍ୟ ଏକ ବିମାନର ଆୟୋଜନ କରାଯାଇଥିଲା । ବିମାନ ୬ଇ ୨୦୦୬ ବିମାନକୁ ୨ ଘଣ୍ଟାରୁ ଅଧିକ ସମୟ ଆକାଶରେ ଥିଲା । ପରେ ଦିଲ୍ଲୀ ବିମାନ ବନ୍ଦରରେ ଜରୁରୀ ଅବତରଣ କରାଯାଇଥିଲା ।
ଇଣ୍ଡିଗୋ ଏୟାରଲାଇନ୍ସର ଅଧିକାରୀ କହିଛନ୍ତି, ଦିଲ୍ଲୀରୁ ଲେହ ପାଇଁ ଉଡାଣ ଭରିଥିବା ଇଣ୍ଡିଗୋ ବିମାନ୬ଇ ୨୦୦୬ରେ ଯାନ୍ତ୍ରିକ ତ୍ରୁଟି ଦେଖାଯାଇଥିଲା । ବିମାନକୁ ଲେହରେ ଅବତରଣ ପାଇଁ ସମ୍ଭବ ହୋଇନଥିବାରୁ ଦିଲ୍ଲୀ ଫେରିବାକୁ ପଡିଲା ।
ପୂର୍ବରୁ, ମଙ୍ଗଳବାର ଦିନ ସାନ୍ ଫ୍ରାନ୍ସିସ୍କୋରୁ ମୁମ୍ବାଇ ଯାଉଥିବା ଏୟାର ଇଣ୍ଡିଆର ଏକ ବିମାନର ଏକ ଇଞ୍ଜିନରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା। ଏହି କାରଣରୁ କଲକାତା ବିମାନବନ୍ଦରରେ ବିମାନର ନିର୍ଦ୍ଧାରିତ ରହଣି ସମୟରେ ଯାତ୍ରୀମାନଙ୍କୁ ଓହ୍ଲାଇବାକୁ ପଡିଥିଲା। ଡ୍ରିମଲାଇନର ବିମାନ ଏଆଇ୧୮୦ ଠିକ୍ ସମୟରେ ରାତି (୧୨.୪୫)ରେ ବିମାନବନ୍ଦରରେ ପହଞ୍ଚିଥିଲା, କିନ୍ତୁ ବାମ ଇଞ୍ଜିନରେ ଯାନ୍ତ୍ରିକ ତ୍ରୁଟି ଯୋଗୁଁ ଉଡ଼ାଣ ବିଳମ୍ବିତ ହୋଇଥିଲା। ସକାଳ ପ୍ରାୟ ୫.୨୦ରେ ସମସ୍ତ ଯାତ୍ରୀଙ୍କୁ ବିମାନରୁ ଓହ୍ଲାଇବାକୁ କୁହାଯାଇଥିଲା। ବିମାନର କ୍ୟାପ୍ଟେନ ଯାତ୍ରୀମାନଙ୍କୁ କହିଥିଲେ ଯେ ଉଡ଼ାଣ ସୁରକ୍ଷା ପାଇଁ ଏହି ନିଷ୍ପତ୍ତି ନିଆଯାଇଛି।
ବଡ ଖୁସି ନେଇ ଆସୁଛି ଜୁଲାଇ ; ଗୋଟିଏ ପରେ ଗୋଟିଏ ରାଜଯୋଗ, ଏହି ରାଶି ହେବେ କୋଟିପତି, ଖୋଲିବ ବନ୍ଦ ଭାଗ୍ୟର ତାଲା
