ନୂଆଦିଲ୍ଲୀ: ବର୍ତ୍ତମାନ ଇରାନ ଓ ଇସ୍ରାଏଲ ମଧ୍ୟରେ ଯୁଦ୍ଧ ଲାଗିଥିବା ପରିପ୍ରେକ୍ଷୀରେ ଭାରତ ସରକାର ‘ଅପରେସନ ସିନ୍ଧୁ’ ଜରିଆରେ ଇରାନରେ ଅଧ୍ୟୟନରତ ଭାରତୀୟ ଛାତ୍ରଙ୍କୁ ସ୍ବଦେଶ ଫେରାଇ ଆଣୁଛନ୍ତି। ବୁଧବାର ୧୧୦ ଭାରତୀୟ ଛାତ୍ର ଦୋହାରୁ ଇଣ୍ଡିଗୋ ବିମାନ ଯୋଗେ ନୂଆଦିଲ୍ଲୀରେ ପହଞ୍ଚିଛନ୍ତି। ଏମାନଙ୍କ ମଧ୍ୟରେ ଜାମ୍ମୁ-କାଶ୍ମୀରର ୯୦ ଛାତ୍ରଛାତ୍ରୀ ସାମିଲ ଅଛନ୍ତି। ଦିଲ୍ଲୀରେ ପହଞ୍ଚିବାପରେ ୯୦ ଛାତ୍ରଛାତ୍ରୀଙ୍କୁ ଶ୍ରୀନଗର ପଠାଯିବାର ବ୍ୟବସ୍ଥା କରାଯାଉଛି। ଏହି ଛାତ୍ରଛାତ୍ରୀଙ୍କୁ ସମ୍ପୂର୍ଣ୍ଣ ମାଗଣାରେ ସ୍ବଦେଶ ଅଣାଯାଉଥିବା ପ୍ରକାଶ। ସ୍ବଦେଶ ଫେରିଆସିଥିବାରୁ ଜାମ୍ମୁ-କାଶ୍ମୀର ଛାତ୍ର ସଂଘ ପକ୍ଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ବୈଦେଶିକ ମନ୍ତ୍ରୀ ଏସ.ଜୟଶଙ୍କରଙ୍କୁ ଧନ୍ୟବାଦ ଜ୍ଞାପନ କରାଯାଇଛି। ଇରାନରେ ଅଟକିଥିବା ଅନ୍ୟ ଭାରତୀୟ ଛାତ୍ରଙ୍କୁ ଖୁବ୍ଶୀଘ୍ର ସ୍ବଦେଶ ଫେରାଇ ଆଣିବାର ବ୍ୟବସ୍ଥା କରାଯାଉଛି।
भारत ने ‘ऑपरेशन सिंधु’ के तहत ईरान से भारतीय नागरिकों को सुरक्षित निकाला।
17 जून को उत्तरी ईरान से 110 छात्र, भारत के मिशनों की निगरानी में आर्मेनिया पहुंचे।@MEAIndia | #OperationSindhu #Iran #IndianStudents #Evacuation #BreakingNews pic.twitter.com/43s9spWWtQ
— डीडी न्यूज़ (@DDNewsHindi) June 18, 2025
