ଭବାନୀପାଟଣା,ଜୁନାଗଡ଼ : ଜୁନାଗଡ଼ରେ ବେପରୁଆ ଗାଡ଼ି ଚାଳନା ଯୋଗୁଁ ଜଣେ ବ୍ୟକ୍ତି ମୃତ୍ୟୁ ବରଣ କରିଥିବାବେଳେ ଜଣେ ଗୁରୁତର ଆହତ ହେଇଛନ୍ତି। ଗୋଟାଏ ଅଟୋ, ବାଇକ୍ ମଧ୍ୟ ଦୁର୍ଘଟଣାରେ ଚେପା ହେଇଯାଇଛି। ସୂଚନା ଅନୁଯାୟୀ ଆଜି ଅପରାହ୍ନରେ ଜୁନାଗଡ଼ ସହର ୨୬ ନମ୍ୱର୍ ଜାତୀୟ ରାଜପଥର ରେଳ ଷ୍ଟେସନ ଛକ ନିକଟରେ ଗୋଟାଏ ଟ୍ରକ୍ କ୍ରମାଗତ ଭାବେ କିଛି ଲୋକଙ୍କୁ ଧକା ଦେବାରୁ ଜଣେ ମୃତ୍ୟୁ ବରଣ କରିଥିବା ବେଳେ ଅନ୍ୟଜଣେ ଗୁରୁତର ଆହତ ହେଇଛନ୍ତି। ଟ୍ରକ୍ ଧକ୍କାରେ ଗୋଟାଏ ଅଟୋ, ବାଇକ୍ ମଧ୍ୟ ଚେପା ହେଇ ଯାଇଛି। ମୃତକ ଜୁନାଗଡ଼ ବ୍ଲକ ବକ୍ସିତୁଲସିପାଲି ପଞ୍ଚାୟତ ଅନ୍ତର୍ଗତ ଏକନାଗୁଡା ଗାଁର ଜଗଦିଶ ଧଙ୍ଗଡାମାଝୀ ବୋଲି ଜଣାପଡିଛି। ଗୁରୁତର ଆହତଙ୍କୁ ପ୍ରଥମେ ଜୁନାଗଡ଼ ଏବଂ ପରେ ଜିଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଦୁର୍ଘଟଣା ପରେ ପୋଲିସ ଟ୍ରକ ଜବତ କରିଥିବାବେଳେ ଚାଳକ ଫେରାର ଅଛି। ସୂଚନାଯୋଗ୍ୟ ଆଜି ଦୁଘଟଣାରେ ମୃତ ଜଗଦୀଶଙ୍କ ଝିଅର ୧୫ ଦିନ ତଳେ ସାପ କାମୁଡ଼ାରେ ମୃତ୍ୟୁ ଘଟିଥିଲା। ଅନ୍ୟପକ୍ଷରେ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ଜୁନାଗଡ଼ ଥାନା ସମ୍ମୁଖରେ ମୃତଦେହ ରଖି ଲୋକେ ରାସ୍ତାରୋକ କରିଛନ୍ତି। ଫଲରେ ୨୬ ନମ୍ୱର୍ ଜାତୀୟ ରାଜପଥରେ ଯାତାୟାତ ବାଧାପ୍ରାପ୍ତ ହେଇଛି। ଜୁନାଗଡ଼ ସହର ଦୁଇପଟେ ବହୁ ସଂଖ୍ୟାରେ ଗାଡି ମୋଟର ଅଟକି ରହିଛି। ରାତି ୯ ଟା ସୁଦ୍ଧା କୌଣସି ପ୍ରଶାସନିକ ଅଧିକାରୀ ଘଟଣାସ୍ଥଳକୁ ଯାଇନଥିବା ଜଣାପଡ଼ିଛି।
Popular Categories
Previous article
Next article