ନୂଆଦିଲ୍ଲୀ: ପୁଣି ଚର୍ଚ୍ଚାରେ ଭାରତୀୟ କ୍ରିକେଟର ରିଙ୍କୁ ସିଂହ ଓ ସମାଜବାଦୀ ପାର୍ଟି ସାଂସଦ ପ୍ରିୟା ସରୋଜ। ଉଭୟଙ୍କ ମଧ୍ୟରେ ବର୍ଷ ଆରମ୍ଭରେ ନିର୍ବନ୍ଧ ହୋଇଥିଲା। ଏବେ ଚଳିତ ଜୁନ ୮ରେ ସେମାନେ ପରସ୍ପରର ରିଙ୍ଗ ସେରିମନି କରିବାକୁ ଯାଉଛନ୍ତି। ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌର ଏକ ତାରକା ହୋଟେଲରେ ଏହି ସମାରୋହ ଅନୁଷ୍ଠିତ ହେବ। ରିଙ୍କୁ ଏବଂ ପ୍ରିୟାଙ୍କ ବିବାହ ତାରିଖ ମଧ୍ୟ ଚୂଡାନ୍ତ ହୋଇଛି। ନଭେମ୍ବର ୧୮ରେ ବାରାଣସୀରେ ଉଭୟଙ୍କ ବିବାହ ଅନୁଷ୍ଠିତ ହେବ। ଆଇପିଏଲ-୨୦୨୫ ଶେଷ ହେବାପରେ ରିଙ୍କୁ ଓ ପ୍ରିୟାଙ୍କ ବିବାହ ଅନୁଷ୍ଠିତ ହେବ ବୋଲି ଚର୍ଚ୍ଚା ହେଉଥିଲା । ଏବେ କିନ୍ତୁ ଉଭୟଙ୍କ ରିଙ୍ଗ ସେରିମନି ହେବାକୁ ପ୍ରଥମେ ସ୍ଥିର ହୋଇଛି। ରିଙ୍କୁ ସିଂହଙ୍କ ଭାବି ପତ୍ନୀ ପ୍ରିୟା ସରୋଜ ଉତ୍ତରପ୍ରଦେଶ ଜୌନପୁର ଜିଲାର ମଛଲିସହରର ସାଂସଦ। ୨୦୨୪ ସାଧାରଣ ନିର୍ବାଚନରେ ପ୍ରିୟା ସମାଜବାଦୀ ପାର୍ଟିରୁ ସାଂସଦ ଭାବେ ନିର୍ବାଚିତ ହୋଇଥିଲେ।
Popular Categories
Previous article
Next article