ନୂଆଦିଲ୍ଲୀ : ଦିଲ୍ଲୀ-ଏନସିଆର ବାସୀ ବୁଧବାର ସନ୍ଧ୍ୟାରେ ପ୍ରବଳ ଝଡ ତୋଫାନ ସହ ବର୍ଷାର ସାମ୍ନା କରିଛନ୍ତି । କିଛି ସ୍ଥାନରେ ଗଛ ଉପୁଡି ପଡିଥିଲା ତ ପୁଣି କିଛି ସ୍ଥାନରେ ୨୧ ମହଲା ଅଟ୍ଟାଳିକାରୁ ଗ୍ରିଲ୍ ଖସି ପଡିଥିଲା । ଏଭଳି ଅନେକ ଅଘଟଣରେ ଅନେକ ଲୋକଙ୍କ ଜୀବନ ଚାଲି ଯାଇଥିବା ବେଳେ ଅନେକ ଗୁରୁତର ଆହତ ମଧ୍ୟ ହୋଇଛନ୍ତି । ପ୍ରାୟ ୭ ଜଣଙ୍କ ମୃତ୍ୟୁ ଘଟିଛି । ଝଡ ତୋଫାନ୍ରେ ଏତେ ଜୋରର୍ରେ ହୋଇଥିଲା ଯେ ଲୋକେ ରାସ୍ତାରେ ଅଟକି ରହି ଭୟରେ ଥିବା ଦେଖାଯାଇଥିଲା । ଏହି ଝଡ ତୋଫାନରେ ପ୍ରାୟ ୭ ଜଣଙ୍କ ମୃତ୍ୟୁ ଘଟିଛି । ଏମାନଙ୍କ ମଧ୍ୟରେ ଦିଲ୍ଲୀରେ ୨, ୨ ଗାଜିଆବାଦ ଓ ଗ୍ରେଟର ନୋଏଡାରେ ୨ଜଣଙ୍କ ମୃତ୍ୟୁ ଘଟିଛି । ଘର, ଗାଡି ଉପରେ ଅନେକ ଗଛ ପଡି ଭାରି ମାତ୍ରାରେ କ୍ଷୟକ୍ଷତି ହୋଇଛି ।
क्या तूफान था कल..😲 pic.twitter.com/locJyXnLeB
— 𝙼𝚛 𝚃𝚢𝚊𝚐𝚒 (@mktyaggi) May 22, 2025
ଦିଲ୍ଲୀରୁ ଗ୍ରେଟର ନୋଏଡାର ଏକ ଅଞ୍ଚଳରେ ଝଡ ତୋଫାନ କାରଣରୁ ଜଣେ ବୟସ୍କ ମହିଳା ଓ ତାଙ୍କ ନାତିଙ୍କ ଉପରେ ଟିଣ ପଡିବାରୁ ସେମାନଙ୍କ ମୃତ୍ୟୁ ହୋଇଛି ।
ନିଜାମୁଦ୍ଦିନ୍ ନିକଟରେ ରାସ୍ତା ଉପରେ ଜଣେ ଦିବ୍ୟାଙ୍ଗଙ୍କ ଉପରେ ବିଜୁଳି ଖୁଣ୍ଟ ପଡିବାରୁ ସେ ଗୁରୁତର ହୋଇଥିଲେ । ତାଙ୍କୁ ହସ୍ପିଟାଲ ନିଆ ଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଉତ୍ତରପୂର୍ବ ଦିଲ୍ଲୀର ଗୋକୁଳପୁରୀ ଅଞ୍ଚଳରେ ଜଣେ ୨୨ ବର୍ଷୀୟ ଯୁବକଙ୍କ ମୁଣ୍ଡରେ ଗଛ ପଡିଯିବାରୁ ତାଙ୍କର ମୃତ୍ୟୁ ଘଟିଛି । ଗାଜିଆବାଦରେ ବାଇକ୍ରେ ଗଛ ପଡିଯିବାରୁ ଜଣେ ୪୦ ବର୍ଷୀୟ ବ୍ୟକ୍ତିଙ୍କ ମୃତ୍ୟୁ ଘଟିଛି । ଘରର କାନ୍ଥ ପଡି ୩୮ ବର୍ଷୀୟ ଜଣେ ମହିଳାଙ୍କ ମୃତ୍ୟୁ ଘଟିଛି ।
