ଗୁଡାରି: ରାୟଗଡ଼ା ବନଖଣ୍ଡ ଅଧୀନସ୍ଥ ଗୁଡାରି ରେଞ୍ଜ ଅଫିସ ଅନ୍ତର୍ଗତ ଶିରିଗୁଡ଼ା ସେକ୍ସନ୍ ଫରେଷ୍ଟରଙ୍କ କାର୍ଯ୍ୟାଳୟରେ ତାଲା ଝୁଲୁଛି। ସୋମବାର ଦିନଠାରୁ ଶୁକ୍ରବାର ପର୍ଯ୍ୟନ୍ତ ଫରେଷ୍ଟର ମାନସ କୁମାର ପ୍ରଧାନଙ୍କ ଅଫିସରେ ତାଲା ପଡ଼ିଥିବା ଦେଖିବାକୁ ମିଳିଥିଲା। ଡିଏଫ୍ଓଙ୍କ ନିର୍ଦ୍ଦେଶକ୍ରମେ ପ୍ରତି ଶନିବାର କିମ୍ବା ରବିବାର ସେକ୍ସନର ରିଜର୍ଭରେ ଯାଉଥିବା ଜାଗାରେ କୁମ୍ବିଂ କରିବାକୁ ବାଧ୍ୟ, ତେଣୁ ଶନିବାର ଦିନ ବାଧ୍ୟ ହୋଇ ଆସୁଥିବା ଜଣାପଡ଼ିଛି। କାରଣ ସେ ଶିରିଗୁଡ଼ା ସେକ୍ସନ୍ ଅଫିସର ୩୦ କିଲୋମିଟର ଦୂରରେ ଗୁମୁଡା ଜଗନ୍ନାଥ ମନ୍ଦିର କଲୋନୀରେ ଏକ ଭଡ଼ାଘରେ ରହୁଛନ୍ତି। ଶିରିଗୁଡ଼ା ଜଙ୍ଗଲ ପରିବେଶ ମଧ୍ୟରେ ଅବସ୍ଥିତ। ଜଙ୍ଗଲ ବିଭାଗରେ ସର୍ବାଧିକ ଦିନ ତାଲା ପଡ଼ୁଥିବାବେଳେ ଏ ଅଞ୍ଚଳର ଜଙ୍ଗଲ କେତେ ସୁରକ୍ଷାରେ ଥିବ ତାହା ବାରି ହେଉଛି। ଫରେଷ୍ଟର ଅଫିସ ଖୋଲାରେ ଅବହେଳା କରୁଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି। ଗୁଡାରି ରେଞ୍ଜର ଦିଲୀପ କୁମାର ପଟ୍ଟନାୟଙ୍କ ଅଧୀନରେ ଥିବାବେଳେ ରେଞ୍ଜର କେମିତି ଜାଣି ପାରୁନାହାନ୍ତି ସେ ନେଇ ଆଲୋଚନା ହେଉଛି। ଅଧିକାରୀମାନେ ଜଙ୍ଗଲ ସୁରକ୍ଷା ଦିଗରେ ଯଦି ସଜାଗ ନ ରହିବେ ତେବେ ଆଗାମୀ ଦିନରେ ଗୁଡାରି ଜଙ୍ଗଲ ଶୂନ୍ୟ ହୋଇଯିବ।
Popular Categories
Previous article
Next article