ଧାମରା :ସେନାକୁ ସମ୍ମାନ ଜଣାଇଲେ ଚାନ୍ଦବାଲି ବ୍ଲକ ଧାମରା ଅଞ୍ଚଳବାସୀ। ଆତଙ୍କବାଦ ବିରୋଧୀ ଅଭିଯାନରେ ସେନାର ପରାକ୍ରମକୁ ସମ୍ମାନ ଜଣାଇ ଧାମରା ଅଞ୍ଚଳର ବିଦ୍ୟାଳୟ ର କୁନି କୁନି ଛାତ୍ର ଛାତ୍ରୀ, ଯୁବ ସମାଜ, ବୁଦ୍ଧି ଜୀବି, ସୁ ସଂଗଠିତ ମହିଳା, ଦଳ ମତ ନିର୍ବିଶେଷରେ ସମସ୍ତ ରାଜନୈତିକ ଦଳର ଜନପ୍ରତିନିଧି, ସେନା ନିବୃତ କର୍ମଚାରୀ ଏବଂ ଅଂଚଳ ର ଜନସାଧାରଣଙ୍କୁ ନେଇ ଆଜି ପରାକ୍ରମ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଏହି ଶୋଭାଯାତ୍ରା ରେ ସାମିଲ ଥିବା ବିଦ୍ୟାଳୟ ର ଛାତ୍ର ଛାତ୍ରୀ ୩୦୦ ଫୁଟ ଦ୍ରଘ୍ୟ ର ତ୍ରିରଙ୍ଗା ପତାକା ଧରି ଧାମରାଇ ମନ୍ଦିର ନିକଟରୁ ବାହାରି ଧାମରା ଅଞ୍ଚଳ ପରିକ୍ରମା କରିବା ପରେ ନିକଟସ୍ଥ ଗଙ୍ଗାମାତା ମନ୍ଦିର ନିକଟରେ ପହଞ୍ଚି ଥିଲା। ପରେ ଅନୁଷ୍ଠିତ ହୋଇଥିବା ସଭା ରେ ଦେଶ ମାତୃକାର ଗୁଣ ଗାନ କରିବା ସହ ସହିଦ ହୋଇଥିବା ବୀର ଯବାନ ଙ୍କ ସ୍ମୃତିରେ ଏକ ଶୋକସଭା ଅନୁଷ୍ଠିତ ହେବା ସହ ପାକିସ୍ତାନ ବିରୁଦ୍ଧରେ ନାରାବାଜି ମଧ୍ୟ ଦିଆଯାଇଥିଲା। ପାକିସ୍ତାନ ଆତଙ୍କବାଦୀ ମାନଙ୍କୁ ପ୍ରଶ୍ରୟ ଦେଉଥିବା ବେଳେ ଆଗାମୀ ଦିନରେ ଭାରତୀୟ ଯବାନ ଏହାର କଡା ଜବାବ ଦେବେ ଏବଂ ଭାରତ ସରକାର ମଧ୍ୟ କଡା ପଦକ୍ଷେପ ଗ୍ରହଣ କରିବ ବୋଲି ମତ ପ୍ରକାଶ ପାଇଥିଲା।
Popular Categories
Previous article
Next article