ଅପରେସନ୍ ସିନ୍ଦୂରରେ ଆତଙ୍କବାଦୀ ଶିବିର ଉପରେ ପ୍ରହାର
ସେନା ସହ ସମଗ୍ର ଦେଶ
ବିଶ୍ୱ ମଞ୍ଚରେ ଏକାକୀ ପାକିସ୍ତାନ
ଡେସ୍କ: ଆଜିର ଭାରତ କେବଳ ଏକ ଶକ୍ତିଶାଳୀ ପ୍ରତିରକ୍ଷା ଶକ୍ତିର ମାଲିକ ନୁହେଁ, ବରଂ ଦେଶବ୍ୟାପୀ ଏକତା ଏବଂ ସାମ୍ପ୍ରଦାୟିକ ଭାବନାରେ ଏହାର ମୂଳ ଶକ୍ତି ଅତୁଟ ରହିଛି। ଗତ ଏପ୍ରିଲ ୨୨ରେ ଜମ୍ମୁ-କଶ୍ମୀରର ପହଲଗାମରେ ଘଟିଥିବା ପାକିସ୍ତାନ ସମର୍ଥିତ ଆତଙ୍କବାଦୀ ଆକ୍ରମଣର ଜବାବ ଏହି ଦୃଢ଼ତାର ପ୍ରମାଣ ଦେଇଛି।
ଏହି ଆତଙ୍କବାଦୀ ଆକ୍ରମଣର ଉଦ୍ଦେଶ୍ୟ ଥିଲା ଜମ୍ମୁ-କାଶ୍ମୀରର ଉନ୍ନତିରେ ବାଧା ଦେବା, ଶାନ୍ତି ବ୍ୟାଘାତ କରିବା ଏବଂ ସାମ୍ପ୍ରଦାୟିକ ଅଶାନ୍ତି ସୃଷ୍ଟି କରିବା। କିନ୍ତୁ ଦେଶବ୍ୟାପୀ ଏକତା ଓ ସେନାର ଦୃଢ଼ ପ୍ରତିକ୍ରିୟା ଆତଙ୍କବାଦୀଙ୍କ ଦେଶ କୁହାଯାଉଥିବା ପାକିସ୍ତାନର ଏହି ପ୍ରଚେଷ୍ଟାକୁ ବିଫଳ କରିଛି।
ପ୍ରତିରକ୍ଷା ଶକ୍ତି ଓ ଏକତାରେ ଦେଶ ଅତୁଟ pic.twitter.com/2PXUQ5D9I5
— Samaja Live (@samajalive) May 9, 2025
ଭାରତୀୟ ସେନା ଦ୍ୱାରା ‘ଅପରେସନ୍ ସିନ୍ଦୂର’ ଅଭିଯାନରେ ପାକିସ୍ତାନ ପ୍ରଯୋଜିତ ଆତଙ୍କବାଦୀ ଶିବିର ଓ ଅଡ୍ଡା ନଷ୍ଟ ହୋଇଛି। ଏଭଳି ଘଡ଼ିସନ୍ଧି ମୁହୂର୍ତ୍ତରେ ସାରା ଦେଶ ଭାରତୀୟ ସେନାକୁ ସମର୍ଥନ କରିବା ସହ ସେନାର ମନୋବଳ ବୃଦ୍ଧି କରିଛି। ଏହି କଠୋର ପ୍ରତିକ୍ରିୟାର ଫଳ ସ୍ୱରୂପ ପାକିସ୍ତାନ ବିଶ୍ୱ ମଞ୍ଚରେ ପୁଣିଥରେ ଏକାକୀ ଓ ବିଚ୍ଛିନ୍ନ ହୋଇପଡ଼ିଛି। ଆନ୍ତର୍ଜାତୀୟ ସମୁଦାୟ ମଧ୍ୟ ଏହାର ଆତଙ୍କବାଦୀଙ୍କୁ ସମର୍ଥନ ଓ ଅସ୍ଥିରତା ନୀତିର କଠୋର ସମାଲୋଚନା କରୁଛନ୍ତି।
ଭାରତର ଏହି ଦୃଢ଼ ମନୋଭାବ ଏବଂ ଏକତା ପ୍ରଦର୍ଶନ ଦେଶର ଶାନ୍ତି ଏବଂ ଅଗ୍ରଗତି ପ୍ରତି ପ୍ରତିବଦ୍ଧତାକୁ ପୁଣିଥରେ ସ୍ପଷ୍ଟ କରିଛି।
