ଇସଲାମାବାଦ- ଗତ କିଛି ବର୍ଷ ଧରି ପାକିସ୍ତାନର ଅର୍ଥାବସ୍ଥା ଭୁଶୁଡି ପଡିଛି । ସବୁ ଦରଦାମ ଆକାଶ ଛୁଆଁ । ସାଧାରଣଲୋକ ଖାଦ୍ୟାଭାବରେ ରହିଛନ୍ତି । ପାକିସ୍ତାନର ଉତ୍ତରରେ ତାଲିବାନ୍ ଆକ୍ରମଣ କରୁଛି । ବେଲୁଚିସ୍ତାନରେ ଅଲଗା ଦେଶ ପାଇଁ ବିଚ୍ଛିନ୍ନତାବାଦୀ ପାକ୍ ସେନାର ନିଦ ହଜାଇ ସାରିଲେଣି । ଏବେ ପାକିସ୍ତାନ ଋଣ ଭାରରେ ବୁଡି ଗଲାଣି । ଲୋକ ଭଲକରି ଖାଇବା ପାଇଁ ପାଉ ନାହାନ୍ତି ତଥାପି ଯୁଦ୍ଧ ଛଡା ଅନ୍ୟ କିଛି ଉପାୟ ନାହିଁ ବୋଲି ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫ୍ କହିଛନ୍ତି । ଶୁକ୍ରବାରରେ ବିଭିନ୍ନ ଗଣମାଧ୍ୟମରେ ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଏପରି ବୟାନ ଦେଇଛନ୍ତି ।
🚨 Pak Def Min Khawaja Asif says no option left other than full blown war
News Anchor ; Are we staring at a full blown war ?
Khawaja Asif ; We dont have any other options other than this …. We have to pay them back in the same qui#tes…
Anchor ; So the war is at our door… pic.twitter.com/392XduqUth
— OsintTV 📺 (@OsintTV) May 9, 2025
ଭାରତ ପାକିସ୍ତାନର ଅନେକ କ୍ଷତି କରିସାରିଲାଣି ବୋଲି ସେ କହିଛନ୍ତି । ଏବେ ପାକିସ୍ତାନ ପାଖର ଯୁଦ୍ଧକୁ ଯିବା ଛଡା ଅନ୍ୟ କିଛି ଉପାୟ ନାହିଁ ବୋଲି ସେ କହିଛନ୍ତି । ସାଧାରଣଲୋକ ଭାବନ୍ତୁନି ଯେ ଯୁଦ୍ଧ ହେବ ନାହିଁ । ଏବେ ତାଙ୍କ ଦ୍ୱାରଦେଶରେ ଯୁଦ୍ଧ ବୋଲି ସେ କହିଛନ୍ତି । ପାକିସ୍ତାନ ଶାନ୍ତି ଚାହୁଁଥିଲା ବୋଲି ସେ କୁମ୍ଭୀର କାନ୍ଦଣା କାନ୍ଦିଛନ୍ତି ।
ଭାରତକୁ ସେ ଉଚିତ୍ ଜବାବ୍ ଦେବେ ବୋଲି କହିଛନ୍ତି । ତେବେ ଆକ୍ରମଣ ବିଷୟରେ ସେ କୌଣସି ସୂଚନା ଦେଇ ନାହିନ୍ତି ।
