ଗୋପାଳପୁର : ଜଣେ ଯୁବକଙ୍କୁ ପଥର ଛେଚି ଆକ୍ରମଣ କରିଥିବା ମାମଲାରେ ଗୋପାଳପୁର ପୁଲିସ ଆଜି ୪ ଜଣକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତମାନେ ଖୋଡାସିଙ୍ଗ ଅଂଚଳର ବିରୁ ଦାସ, ଡ଼ମ୍ବୁରୁ ଦାସ,ପୂର୍ଣ୍ଣ ଚନ୍ଦ୍ର ନାୟକ,ଗନ୍ତାୟତ ଦାସ ବୋଲି ପୁଲିସ କହିଛି । ସୂଚନା ପ୍ରକାରେ ଶନିବାର ରାତ୍ର ପ୍ରାୟ ୧୧ ସମୟରେ ଖୋଡାସିଙ୍ଗ ନିକଟରେ ଥୂବା ବ୍ଲାକ ସି ବାର ନିକଟରେ କୌଣସି କାରଣକୁ ନେଇ ସମିର ଓ ସାଙ୍ଗ ଆଶିଷ ଚୌଧୁରୀ ସହିତ ଅଭିଯୁକ୍ତ ମାନଙ୍କର ବଚସା ହେବା ସହ ସମିରର ମୁଣ୍ଡକୁ ଇଟା ଏବଂ ପଥରରେ ଆକ୍ରମଣ କରିଥିଲେ ।
ଆକ୍ରମଣ ପରେ ମୁଣ୍ଡ ଫାଟି ବେହୋସ ହେବା ପରେ ମରିଗଲା ଭାବି ନିକଟରେ ଥିବା ଏକ ଗୁଡ଼ି ଗଦାରେ ଶୁଆଇ ସେଠାରୁ ଚାଲି ଯିବା ସହ ସୁନା ଚେନ ଓ ସୁନା ଲକେଟ ନେଇ ଚମ୍ପଟ ମାରିଥିଲେ । ପରେ ଉପସ୍ଥିତ ଥିବା ସାଙ୍ଗମାନେ ଚିକିତ୍ସା ପାଇଁ ବ୍ରହ୍ମପୁର ମେଡିକାଲ ନେଇଥିଲେ । ସମିରଙ୍କ ମୁଣ୍ଡରେ ୧୮ ଷ୍ଟିଜ୍ ପଡିଥିଲା । ସୁସ୍ଥ ଅନୁଭବ ପରେ ସମିର ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପ୍ରକାରେ ପୁଲିସ କେସ ନମ୍ବର ୧୩୨/୨୫ ମାମଲା ରୁଜୁ କରି ସମ୍ପୃକ୍ତ ଥିବା ଡ଼ମ୍ବୁରୁ ଓ ବିରୁକୁ ଅଟକ ରଖି ପଚରା ଉଚରା କରିବା ପରେ ସମ୍ପୃକ୍ତ ଥିବା ଅନ୍ୟ ୨ ଅଭିଯୁକ୍ତ ପୂର୍ଣ୍ଣ ଓ ଗନ୍ତାୟତ କୁ ଖୋଡାସିଙ୍ଗ ଅଂଚଳରୁ କାବୁ କରି ଥାନାକୁ ଆଣି ପଚରା ଉଚରା କରିବା ସହଵା ସହ ସେମାନଙ୍କ ଠାରୁ ସୁନା ଚେନ,ଏକ ସ୍କୁଟି,ଦୁଇଟି ମୋବାଇଲ,ଆକ୍ରମଣ କରିଥିବା ଇଟା ଓ ପଥରକୁ ଜବତ କରି ଅଭିଯୁକ୍ତ ୪ ଜଣକୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ ସୂଚନା ଦେଇଛନ୍ତି ।
