ଗୋପାଳପୁର : ଶ୍ରୀ ସତ୍ୟସାଇ ସେବା ସଙ୍ଗଠନର ଉଦ୍ୟମରେ ଆଜି ଗୋଳନ୍ଥରା ସ୍ଥିତ ନିଷ୍ଟ ବିଶ୍ବବିଦ୍ୟାଳୟରେ କାର୍ଡିଓ-ପଲ୍ମୋନାରୀ ରିସୁସିଟେସନ (ସିବିଟି) ଟ୍ରେନିଂ ଉପରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଆୟୋଜିତ ସଚେତନତା ଶିବିରରେ ଛାତ୍ରଛାତ୍ରୀମାନଙ୍କୁ ଜୀବନ ରକ୍ଷାକାରୀ ସିପିଆର କୌଶଳ ଉପରେ ଶିକ୍ଷିତ କରିବା, ସ୍ୱାସ୍ଥ୍ୟ ସଚେତନତା ଏବଂ ଗୋଷ୍ଠୀ ସେବାକୁ ପ୍ରୋତ୍ସାହିତ କରିବା ଉଦେଶ୍ୟରେ କରାଯାଇଥିଲା। ସିପିଆର ଏକ ଜୀବନ ରକ୍ଷାକାରୀ କୌଶଳ, ଯାହା ହୃଦଘାତ ସମୟରେ ରକ୍ତ ସଞ୍ଚାଳନରେ ସାହାଯ୍ୟ କରି ଜୀବନ ବଞ୍ଚାଇବାରେ ସାହାଯ୍ୟ କରେ ଏବଂ ଛାତି ସଙ୍କୋଚନ ମାଧ୍ୟମରେ ହୃତପିଣ୍ଡକୁ ପୁନଃ ଆରମ୍ଭ କରେ, ଯାହା ନିୟମିତ ହୃତ୍ସ୍ପନ୍ଦନ ଫେରିବା ପର୍ଯ୍ୟନ୍ତ ଗୁରୁତ୍ୱପୂର୍ଣ୍ଣ ଅଙ୍ଗକୁ ପ୍ରବାହିତ ରଖିବାରେ ସାହାଯ୍ୟ କରେ। ହୃଦଘାତରେ ପ୍ରଥମ ୪ରୁ ୫ ମିନିଟ୍ ମଧ୍ୟରେ ଜୀବନ ବଞ୍ଚାଇବାରେ ସିପିଆର ପ୍ରମୁଖ ଭୂମିକା ରହିଛି ବୋଲି ଅନ୍ତର୍ଜାତୀୟ ସ୍ତରରେ ମାନ୍ୟତା ରହିଛି। ଶ୍ରୀ ସତ୍ୟସାଇ ସେବା ସଙ୍ଗଠନ ତରଫରୁ ଏମ ଗୋପାଳ ରାଓ, ଭେଙ୍କଟ ରାଓ, ଡ଼. ନିବେଦିତା ନନ୍ଦ, ଶିବ ପ୍ରସାଦ ସାହୁ, ଆଶୁତୋଷ ସାହୁ, ବିଭୁ ପ୍ରସାଦ କାମ୍ପୋ, ମାନସ ରଞ୍ଜନ ପାତ୍ର ପ୍ରମୁଖ ଉପସ୍ଥିତ ରହି ନିଷ୍ଟ ବିଶ୍ବବିଦ୍ୟାଳୟର ଛାତ୍ରଛାତ୍ରୀଙ୍କୁ ସିପିଆରର ବିଭିନ୍ନ ଦିଗ ଉପରେ ପ୍ରଶିକ୍ଷଣ ପ୍ରଦାନ କରିଥିଲେ। ଶେଷରେ ଏକାଡେ଼ମିକ ଡିନଡ଼.ପି. ରାଜେଶ କୁମାର ଶ୍ରୀ ସତ୍ୟ ସାଇ ସଭା ସଦନ ସଂଗଠନକୁ ସମ୍ମାନିତ କରିଥିଲେ। ଡ. ପ୍ରୀତି ରଂଜନ ସାହୁ, ରବି ସତ୍ୟନାରାୟଣ ମୁର୍ତ୍ତୀ, ପିତାମ୍ବର ସାହୁ, ଆଶିଷ କୁମାର ଦାସ, ମନୋଜ କୁମାର ସେନାପତି ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
Popular Categories
Previous article
Next article