କଳାପଥର : ବାଙ୍କୀ ବ୍ଳକ ଅନ୍ତର୍ଗତ ପ୍ରସିଦ୍ଧ କେନ୍ଦୁପଲ୍ଲୀ ଝାମୁଯାତ୍ରା ଉପଲକ୍ଷେ ଶ୍ରୀ ଶ୍ରୀ ବାଲୁଙ୍କେଶ୍ୱର ଦେବଙ୍କ ଯାତ୍ରା ପଡିଆଠାରେ ଦ୍ଵିତୀୟ ବାର୍ଷିକ ଦୁଲଣା ମହୋତ୍ସବ ଉଦଘାଟିତ ହୋଇଯାଇଛି । ମହାବିଷୁଭ ପଣା ସଂକ୍ରାନ୍ତି ସହ ଓଡ଼ିଆ ନବବର୍ଷ ଉପଲକ୍ଷେ ୩ ଦିନ ଧରି କେନ୍ଦୁପଲ୍ଲୀ ପଂଚାୟତ ଗ୍ରାମବାସୀ ବୃନ୍ଦ ଓ ମହୋତ୍ସବ କମିଟି ସଦସ୍ୟଙ୍କ ତରଫରୁ ଅନୁଷ୍ଠିତ ହୋଇଛି । ସାଂସ୍କୃତିକ କାର୍ଯ୍ୟକ୍ରମରେ ବାଙ୍କୀର ବିଜେପି ନେତା ତୁଷାର କାନ୍ତ ଚକ୍ରବର୍ତ୍ତୀ ଯୋଗଦେଇ ପଞ୍ଚାୟତ ସ୍ତରରେ ଏଭଳି ମହୋତ୍ସବ ଆୟୋଜନ ହେଇପାରୁ ଥିବାରୁ ସଂସଦର ସମସ୍ତ କର୍ମକର୍ତ୍ତାଙ୍କୁ ସାଧୁବାଦ ଦେଇଥିଲେ । ଏହି ମହୋତ୍ସବ ଲୋକମାନଙ୍କ ମଧ୍ୟରେ ଶାନ୍ତି, ସଂହତି ଓ ଭାଇଚାରା ପ୍ରତିଷ୍ଠା ହୋଇପାରିଛି ବୋଲି ମାତବ୍ୟକ୍ତ କରିଥିଲେ । ସମ୍ମାନୀତ ଅତିଥି ଭାବେ ସିନେ ତାରକା ଅରିନ୍ଦମ ରାୟ, ଓଡିଶା ହାଇକୋର୍ଟ ଆଇନଜୀବି ପ୍ରଦୀପ କୁମାର ପଟ୍ଟନାୟକ, ଆଇଟିଆର ବିରଞ୍ଚି ନାରାୟଣ ସାହୁ, ଆଇନଜୀବୀ ଦେବାଶିଷ ମାନସିଂହ, ମନୋରଂଜନ ମହାପାତ୍ର, ବିଶ୍ୱନାଥ ସାହୁ ପ୍ରମୁଖ ଯୋଗଦେଇ ସେମାନଙ୍କର ବକ୍ତବ୍ୟ ରଖିଥିଲେ । ଏହି ସଭାରେ କେନ୍ଦୁପଲ୍ଲୀ ସରପଞ୍ଚ ପ୍ରଦ୍ୟୁମ୍ନ କୁମାର ସୁବୁଦ୍ଧି ସଭାପତିତ୍ୱ କରିଥିବା ବେଳେ ମହୋତ୍ସବ ସମ୍ପାଦକ ଧ୍ରୁବଚରଣ ସାହୁ ବିବରଣୀ ପାଠ ଏବଂ ଶିକ୍ଷକ ଉମାକାନ୍ତ ବେହେରା ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ । ଗ୍ରାମର ଛାତ୍ରୀମାନେ ସ୍ୱାଗତ ସଂଗୀତ ଗାନ କରିବା ସହ ଉତ୍ତରୀୟ ଫୁଲତୋଡ଼ା ଦେଇ ଆଶୀର୍ବାଦ ଗ୍ରହଣ କରିଥିଲେ । ଦୁଲଣା ମହୋତ୍ସବ ତରଫରୁ ଅନନ୍ତ ଚରଣ ସାହୁ (ଅନାମ ଭାଇ)ଙ୍କୁ କେନ୍ଦୁପଲ୍ଲୀ ଗୌରବ ସମ୍ମାନରେ ମୁଖ୍ୟଅତିଥି ଶ୍ରୀ ଚକ୍ରବର୍ତ୍ତୀ ମାନପତ୍ର ସହ ଉପଢ଼ୌକନ ଦେଇ ସମ୍ମାନୀତ କରିଥିଲେ । ଶେଷରେ ରଙ୍ଗାରଙ୍ଗ ଏବଂ ଓଡିଶୀ ସମ୍ବଲପୁରୀ ନୃତ୍ୟ ଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
Popular Categories
Previous article
Next article