କଣ୍ଟାବାଞ୍ଜି : କଣ୍ଟାବାଞ୍ଜି-ଟିଟିଲାଗଡ଼ ରେଲୱେ ସେକ୍ସନର ରହେନଭଟା ରେଲୱେ ଷ୍ଟସନ ନିକଟରେ ଚଲନ୍ତା ଟ୍ରେନରୁ ୯ବସ୍ତା ଚାଉଳ ଚୋରି ଅଭିଯୋଗରେ ମୁରିବାହାଲ ଥାନା ଖଇରମାଲ ଗ୍ରାମର ନରିନ ହାତୀ ଗିରଫ ହୋଇଛି। କଣ୍ଟାବାଞ୍ଜି ଆରପିଏଫ ଥାନା ଅଧିନସ୍ଥ ରହେନଭଟା-ଟିଟିଲାଗଡ଼ ମଧ୍ୟରେ ଚାଉଳ ବୋଝେଇ ଚଲନ୍ତା ଟ୍ରେନର ୱାଗନରୁ ମୁରିବାହାଲ ଥାନା ଖଇରମାଲ ଗ୍ରାମର ନରିନ ହାତୀ (୨୭) ବର୍ଷ ୯ବସ୍ତା ଚାଉଳ ତଳକୁ ଫିଙ୍ଗିଦେଇଥିଲା।
ଏହି ଟ୍ରେନଟି ଶନିବାର ରାତିରେ ବେଲସୋଣ୍ଡା ଷ୍ଟେସନରୁ ଧାମରା ଷ୍ଟେସନ ଅଭିମୁଖେ ଯାଉଥିବା ବେଳେ ମଧ୍ୟରାତ୍ରୀରେ ରହେନଭଟା ଷ୍ଟେସନରେ ଅଟକି ଥିଲା। ଏହି ସମୟ ମଧ୍ୟରେ ଅଭିଯୁକ୍ତ ୱାଗନକୁ ଚଢି ସିଲଭାଙ୍ଗିବା ବେଳେ ଟ୍ରେନଟି ଛାଡିଥିଲା। ଟ୍ରେନଟି ଟିଟିଲାଗଡ଼ ଅଭିମୁଖେ ଯିବା ବେଳେ ୯ବସ୍ତା ଚାଉଳ ଟ୍ରେନରୁ ଫିଙ୍ଗି ଦେଇଥିଲା ଓ ଟ୍ରେନରୁ ଡେଇଁ ପଳାଇଥିଲା।
ରବିବାର ସକାଳେ ଉକ୍ତ ଚାଉଳକୁ ନେବା ପାଇଁ ଆସିଥିବା ବେଳେ ଆରପିଏଫ ପୁଲିସ ଛକି ରହି ଅଭିଯୁକ୍ତକୁ କାବୁ କରିଥିଲେ। କଣ୍ଟାବାଞ୍ଜି ଆରପିଏଫଥାନା କେସ ନଂ.୨/୨୦୨୫ ଧାରା ଆରପିୟୁପି ୩ ମାମଲା ରୁଜୁ କରି ଅଭିଯୁକ୍ତକୁ ଗିରଫ ପରେ ଟିଟିଲାଗଡ଼ ସ୍ୱତନ୍ତ୍ର ରେଲୱେ କୋର୍ଟକୁ ଚାଲାଣ କରିଥିବା ସୂଚନା ମିଳିଛି।
