ଟିଟିଲାଗଡ଼ : ଟିଟିଲାଗଡ଼ ଥାନା ଅଞ୍ଚଳରେ ପୂର୍ବରୁ ବହୁବାର ନକଲି ନୋଟ ଜବତ ହୋଇଥିବା ବେଳେ ଆଜି ପୁଣି ଥରେ ନକଲି ନୋଟ ଜବତ ହେବା ଚର୍ଚ୍ଚାର ବିଷୟ ହୋଇଛି। ପୁଲିସ ଟିଟିଲାଗଡ଼ ସହରର ରଘୁନାଥ ପଡା ନିବାସୀ ମହମ୍ମଦ ସମିମ ଏବଂ ସିକେର ନିବାସୀ ନେତ୍ରାନନ୍ଦ ରାଉତଙ୍କୁ ଗିରଫ କରିଛି। ଟିଟିଲାଗଡ଼ ଥାନାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଟିଟିଲାଗଡ଼ ଏସଡିପିଓ ଯଶୋବନ୍ତ ପ୍ରଧାନୀ, ଆଇଆଇସି କଲ୍ୟାଣୀ ବେହେରାଙ୍କ ସୂଚନା ମୁତାବକ ଅଭିଯୁକ୍ତ ଦୀର୍ଘ ଦିନରୁ ନକଲି ନୋଟ ବ୍ୟବସାୟ କରୁଥିଲେ।
ବଲାଙ୍ଗିର ଏସପି ଅଭିଳାଷ ଜୀଙ୍କ ନିର୍ଦ୍ଦେଶ କ୍ରମେ ଏକ ଟିମ ଗଠନ ସହ ଗତକାଲି ସନ୍ଧ୍ୟାରେ ଚଢ଼ାଉ କରାଯାଇଥିଲା। ଅଭିଯୁକ୍ତଙ୍କ ଠାରୁ ୪୯ ହଜାର ଟଙ୍କାର ନକଲି ନୋଟ ଜବତ କରାଯାଇଛି। ଆନ୍ତଃରାଜ୍ୟ ଲିଙ୍କ୍ ସନ୍ଦେହ କରି ପୁଲିସ ଅଧିକ ତଦନ୍ତ ଜାରି ରଖିଛି।
ଉଦୟ ହେଲେ ଶନି : ଜାଣନ୍ତୁ କେଉଁ ରାଶି ଉପରେ ପଡିବ କି ପ୍ରଭାବ, କାହାକୁ ମିଳିବ ଧନ, କାହାକୁ ମିଶ୍ରିତ ଫଳ
