ନୂଆଦିଲ୍ଲୀ : ମଧ୍ୟପ୍ରଦେଶର ଶେଓପୁର ଜିଲାରୁ ଏକ ଆଶ୍ଚର୍ଯ୍ୟଜନକ ଭିଡିଓ ଭାଇରାଲ୍ ହୋଇଛି। ଭିଡିଓରେ ଜଣେ ଯୁବକ ପାଞ୍ଚଟି ଚିତାବାଘକୁ ପାଣି ପିଆଉଥିବା ନଜର ଆସୁଛି। ଏହି ଭିଡିଓଟି କୁନୋ ଜାତୀୟ ଉଦ୍ୟାନ ନିକଟର ବୋଲି କୁହାଯାଉଛି। ଏଠାରେ ଗତ ଶୁକ୍ରବାର ଚିତାବାଘ କିଛି ଛେଳିଙ୍କ ଶିକାର ମଧ୍ୟ କରିଥିଲେ। ଶିକାର ପରେ ଚିତାବାଘ ନିକଟରେ ହିଁ ଆରାମ କରୁଥିଲେ। ସେହି ସମୟରେ ସେଠାରେ ଜଣେ ଯୁବକ ପହଞ୍ଚି ଏକ ବୋତଲରୁ ପାତ୍ରରେ ପାଣି ଢାଳି ଚିତାବାଘମାନଙ୍କୁ ପାଣି ପିଆଉଛନ୍ତି। ସମ୍ପୂର୍ଣ୍ଣ ଘଟଣାର ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।
Offering water or milk to #cheetahs by villagers is not a good sign for #wildlife conservation. This may lead to dangerous consequences. As usual, the forest is undisturbed.@CMMadhyaPradesh @ntca_india @PMOIndia @KunoNationalPrk @Collectorsheop1 pic.twitter.com/3iIIYbd8Kn
— ajay dubey (@Ajaydubey9) April 5, 2025
ଭିଡିଓ ଭାଇରାଲ୍ ହେବା ପରେ ସୋସିଆଲ ମିଡିଆରେ ଅନେକ ଲୋକେ ବିଭିନ୍ନ ପ୍ରତିକ୍ରିୟା ଦେଇଛନ୍ତି। ଯୁବକଙ୍କ ସାହସକୁ ଓ ଜୀବଜନ୍ତୁଙ୍କ ପ୍ରତି ଥିବା ଦୟାଭାବକୁ ପ୍ରଶଂସା କରିଛନ୍ତି।
ଚିତାବାଘମାନେ ଭୂମିରେ ଶୋଇଥିବା ବେଳେ ଯୁବକ ଯାଇ ସେମାନଙ୍କୁ ପାଣି ପିଆଇଛନ୍ତି। କୁହାଯାଉଛି ଯେ, ଏହି ଭିଡିଓ ଶୁକ୍ରବାର ସନ୍ଧ୍ୟା ସମୟର। କୁନୋ ଜାତୀୟ ଉଦ୍ୟାନର ବାହାରେ କିଛି ଚିତାବାଘ ଗାଁ ଆଡକୁ ପଳାଇ ଆସିଛନ୍ତି । କିଛି ଛେଳିଙ୍କ ଶିକାର କରିବା ପରେ ନିକଟ କ୍ଷେତ୍ରରେ ଆରାମ କରୁଥିଲେ। ଯୁବକ ଜଣକ ସେହି ସମୟରେ ବାଘମାନଙ୍କୁ ଶୋଷିଲା ଦେଖି ପାଣି ପିଆଇଥିଲେ। ବାଘ ଏପରି ଜନବସତି ଅଞ୍ଚଳରେ ବୁଲିବା ଦେଖି ଅନେକ ଲୋକେ ଚିନ୍ତା ପ୍ରକଟ କରି ମତ ଦେଇଛନ୍ତି ବନ ବିଭାଗ ଏଥିପ୍ରତି ଅଧିକ ଦୃଷ୍ଟି ଦେବା ଆବଶ୍ୟକ। ବନ ବିଭାଗ ଘଟଣାର ଅନୁଧ୍ୟାନ କରୁଛି ବୋଲି କହିଛି। ବର୍ତ୍ତମାନ କୁନୋର ଖୋଲା ଜଙ୍ଗଲରେ ୧୭ଟି ଚିତାବାଘ ବୁଲୁଛନ୍ତି।
