ନୂଆଦିଲ୍ଳୀ : ଆମ୍ ଆଦମୀ ପାର୍ଟି କୁମାର ବିଶ୍ୱାସଙ୍କୁ ପାର୍ଟିର ରାଜସ୍ଥାନ ପ୍ରଭାରୀ ପଦରୁ ହଟାଇ ଦେଇଛି। ପାର୍ଟିର ନେତା ଆଶୁତୋଷ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି। ୨୦୧୭ରେତାଙ୍କୁ ରାଜସ୍ଥାନ ପ୍ରଭାରୀ ଦାୟିତ୍ୱ ଦିଆଯାଇଥିଲା । ଏବେ କୁମାର ବିଶ୍ୱାସଙ୍କ ସ୍ଥାନରେ ଦୀପକ ବାଜପେୟୀଙ୍କୁ ରାଜସ୍ଥାନ ପ୍ରଭାରୀ ଦାୟିତ୍ୱ ଦିଆଯାଇଛି।
କାର୍ଯ୍ୟବ୍ୟସ୍ତତା ଯୋଗୁଁ କୁମାର ବିଶ୍ୱାସ ରାଜସ୍ଥାନ ପାଇଁ ଅଧିକ ସମୟ ଦେଇ ପାରୁ ନାହାନ୍ତି। ପିଏସି ବୈଠକରେ କୁମାରଙ୍କୁ ରାଜସ୍ଥାନ ପ୍ରଭାରୀ ପଦରୁ ହଟାଇବାର ନିଷ୍ପତ୍ତି ହୋଇଥିଲା। ତେବେ ପାର୍ଟି ରାଜସ୍ଥାନ ବିଧାନସଭା ନିର୍ବାଚନରେ ସକ୍ରୀୟ ଭାବେ ଅଂଶ ଗ୍ରହଣ କରିବ ବୋଲି ଆଶୁତୋଷ କହିଛନ୍ତି।
ସୂଚନା ଯୋଗ୍ୟଯେ ବିଗତ କିଛିି ଦିନ ହେବ କୁମାର ବିଶ୍ୱାସ ଏବଂ ଆମ୍ ଆଦମୀ ପାର୍ଟି ମଧ୍ୟରେ ମତଭେଦ ଜାରୀ ରହିଛି। ରାଜ୍ୟ ସଭା ନିର୍ବାଚନ ସମୟରେ ମଧ୍ୟ ସେ ଅସନ୍ତୋଷ ବ୍ୟକ୍ତ କରିଥିଲେ। ସତ କହିବାରୁ ତାଙ୍କୁ ଦଣ୍ଡିତ କରାଗଲା ବୋଲି ସେ କହିଥିଲେ।
