ବଦଳିବ ନକ୍ସଲ୍‌ ଦମନ ରଣନୀତି

କୋରାପୁଟ: ନକ୍ସଲ୍ ଦମନ ପାଇଁ ଆବଶ୍ୟକ ହେଲେ ରଣନୀତିରେ ପରିବର୍ତ୍ତନ କରାଯିବ। ନକ୍ସଲ୍‌ ଅଧ୍ୟୁଷିତ ଜିଲାଗୁଡ଼ିକରେ ସୁରକ୍ଷା ବ୍ୟବସ୍ଥାକୁ କଡ଼ା କରାଯିବ। ପୁଲିସ ମହାନିର୍ଦେଶକ ଡ. ରାଜେନ୍ଦ୍ର ପ୍ରସାଦ ଶର୍ମା ଏହି ସୂଚନା ଦେଇଛନ୍ତି। ରାୟଗଡ଼ ଆରକ୍ଷୀ ଅଧୀକ୍ଷକଙ୍କ କାର୍ୟ୍ୟାଳୟରେ ଅନୁଷ୍ଠିତ ବୈଠକରେ ଆଜି ନକ୍ସଲ୍‌ ମୁକାବିଲା ସମ୍ପର୍କରେ ବିସ୍ତୃତ ଆଲୋଚନା ହୋଇଥିବା ଜଣାପଡ଼ିଛି। ବୈଠକରେ ପଶ୍ଚିମାଞ୍ଚଳ ଡିଆଇଜି ଏସ ସାଇନି, ଏଡିଜି (ଅପରେସନ) ଆର ପି କୋଚେ, ଆଇଜି (ଗୁଇନ୍ଦା) ଆର କେ ଶର୍ମା ଓ ସ୍ବତନ୍ତ୍ର ଶାଖା ନିର୍ଦ୍ଦେଶକ ଘନଶ୍ୟାମ ଉପାଧ୍ୟାୟଙ୍କ ସମେତ କୋରାପୁଟ, କନ୍ଧମାଳ ରାୟଗଡ଼ ଓ କଳାହାଣ୍ଡି ଜିଲାର ଆରକ୍ଷୀ ଅଧୀକ୍ଷକମାନେ ଉପସ୍ଥିତ ଥିଲେ। ନକ୍ସଲମାନେ ହିଂସା ଛାଡ଼ି ମୁଖ୍ୟ ସ୍ରୋତରେ ସାମିଲ ହେବାକୁ ଶ୍ରୀ ଶର୍ମା ପରାମର୍ଶ ଦେଇଛନ୍ତି।