ନୂଆଦିଲ୍ଲୀ : ଭାରତ ସରକାର ୧ ମାର୍ଚ୍ଚ ୨୦୨୫ରୁ ଟ୍ରାଫିକ୍ ନିୟମକୁ କଡାକଡି କରିଦେଇଛନ୍ତି । ନୂଆ ଟ୍ରାଫିକ୍ ନିୟମ ଲାଗୁ ହେବା ପରେ ଅନେକ ମାମଲାରେ ଜୋରିମାନା ୧୦ ଗୁଣା ପର୍ଯ୍ୟନ୍ତ ବଢାଇ ଦିଆଯାଇଛି । ଟ୍ରାଫିକ୍ ନିୟମ ଉଲ୍ଲଙ୍ଘନ କଲେ ଭାରି ଜୋରିମାନା ସହ ଜେଲ୍ ଦଣ୍ଡ ଭୋଗିବାକୁ ପଡିପାରେ ।
ମଦ୍ୟପାନ କରି ଗାଡି ଚଳାଇବା
ନିଶାସକ୍ତ ହୋଇ ଗାଡି ଚଳାଇଲେ ପୂର୍ବରୁ ଜୋରିମାନା ୧୦ ହଜାର ଟଙ୍କା କିମ୍ବା ୬ ମାସ ଜେଲ୍ ଦଣ୍ଡ ଥିଲା । ବାରମ୍ବାର ଅପରାଧ କଲେ ୧୫ ହଜାର ଟଙ୍କା ଜୋରିମାନା ଓ ୨ ବର୍ଷ ପର୍ଯ୍ୟନ୍ତ ଜେଲ୍ ଦଣ୍ଡ ଭୋଗିବାକୁ ପଡିପାରେ ।
ମୋବାଇଲ ଫୋନ୍ ବ୍ୟବହାର କରିବା
ଗାଡି ଚଳାଇବା ସମୟରେ ମୋବାଇଲ ଫୋନ୍ ବ୍ୟବହାର କଲେ ଜୋରିମାନା ୫୦୦ ଟଙ୍କାରୁ ବୃଦ୍ଧି ପାଇ ୫ ହଜାର ଟଙ୍କା ହୋଇଯିବ ।
ବିନା ହେଲମେଟ୍ ବା ସିଟବେଲ୍ଟରେ ଗାଡି ଚଳାଇବା
ବିନା ହେଲମେଟରେ ଗାଡି ଚଳାଇଲେ ପୂର୍ବରୁ ୧୦୦ ଟଙ୍କା ଜୋରିମାନା ଲାଗୁଥିଲା । କିନ୍ତୁ ଏବେ ହଜାରେ ଟଙ୍କା ଜୋରିମାନା ଲାଗିବ ଏବଂ ଲାଇସେନ୍ସ ୩ ମାସ ପାଇଁ ନିଲମ୍ବିତ କରିଦିଆଯିବ । ସିଟବେଲ୍ଟ ନପିନ୍ଧିଲେ ମଧ୍ୟ ୧୦୦୦ ଟଙ୍କାର ଜୋରିମାନା ଲାଗିବ ।
ଆମ୍ବୁଲାନ୍ସକୁ ରାସ୍ତା ନଦେବା
ଆମ୍ବୁଲାନ୍ସ ବା ଜରୁରିକାଳୀନ ଗାଡିକୁ ରୋକିଲେ ୧୦ ହଜାର ଟଙ୍କାର ଜୋରିମାନା ଲାଗିବ ।
ନାବାଳକ ଗାଡି ଚଳାଇଲେ
ନାବାଳକ ଗାଡି ଚଳାଇବା ସମୟରେ ଧରାପଡିଲେ ୨୫ ହଜାର ଟଙ୍କା ଜୋରିମାନା, ୩ ବର୍ଷ ଜେଲ୍ ଦଣ୍ଡ, ଗାଡି ପଞ୍ଜୀକରଣ ରଦ୍ଦ କରାଯିବ ।
