ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ବଡଗୁମଳା ଗ୍ରାମରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡ ଘଟଣାରେ ପୁଲିସ ସୋମବାର ଜଣକୁ ଗିରଫ କରି କୋର୍ଟ ଚାଲାଣ କରିଛି। ଏହି ଘଟଣାରେ ଗିରଫଦାରୀ ସଂଖ୍ୟା ୩କୁ ବୃଦ୍ଧି ପାଇଛି। ଗିରଫ ଅଭିଯୁକ୍ତ ହେଲେ ଫୁଲଟା ଗ୍ରାମର ଦିଗମ୍ବର ନାହାକ।
ପୂର୍ବରୁ ଏହି ଘଟଣାରେ ଦୁଇ ଭାଇ ଶ୍ରୀକାନ୍ତ ପାତ୍ର ଓ ସିଦ୍ଧାନ୍ତ ପାତ୍ର ଗିରଫ ହୋଇ କୋର୍ଟ ଚାଲାଣ ହୋଇଥିଲେ। ବଡ଼ଗୁମଳାରେ ରହୁଥିବା ପ୍ରଦୀପ କୁମାର ବେହେରାଙ୍କ ବାପା ଅଭିଯୁକ୍ତଙ୍କ ମୋବାଇଲ ଫୋନରୁ ପୁଅ ପ୍ରଦୀପକୁ କଲ୍ କରିଥିଲେ। ଏହାକୁ ନେଇ ପ୍ରଦୀପ ଓ ଶ୍ରୀକାନ୍ତଙ୍କ ସହ କଥା କଟାକଟି ହୋଇଥିଲା। ଏହି ଘଟଣା ନେଇ ଶ୍ରୀକାନ୍ତ ଓ ତାଙ୍କ ଭାଇ ସମେତ ଅନ୍ୟ ଜଣେ ମିଶି ପ୍ରଦୀପଙ୍କ ଘର ଉପରକୁ ବୋମା ମାଡ କରିଥିଲେ।। ଘଟଣା ନେଇ ପ୍ରଦୀପଙ୍କ ପକ୍ଷରୁ ଗୋପାଳପୁର ଥାନାରେ ଲିଖିତ ଅଭିଯୋଗ ପରେ ପୁଲିସ ଏକ ମାମଲା(୮୪/୨୫) ରୁଜୁ କରି ଦୁଇ ଭାଇ ଶ୍ରୀକାନ୍ତ ଓ ସିଦ୍ଧାନ୍ତକୁ ଗିରଫ କରିଥିଲା। ଦିଗମ୍ବର ଫେରାର ଥିଲା। ତା’କୁ ଆସି ପୁଲିସ ଗୋପାଳପୁର ବେଳାଭୂମିରୁ ଗିରଫ କରିଥିବା ଥାନା ଅଧିକାରୀ ପ୍ରଶାନ୍ତ ମଲ୍ଲିକ ସୂଚନା ଦେଇଛନ୍ତି।
