ବାସୁଦେବପୁର : ବାପା ପୁଲିସ କର୍ମଚାରୀ ଥିବାରୁ ପୁଅ ଚଳାଇଛି ଗୁଣ୍ଡାରାଜ । ମହିଳାଙ୍କୁ ଟଣାଓଟରା ,ଗଣ୍ଡଗୋଳ ଓ ମାରପିଟ ପରେ ଥାନାରେ ଅଭିଯୋଗକୁ ଭିତ୍ତି କରି ପୁଲିସ କର୍ମଚାରୀଙ୍କ ପୁଅ ଅଟକ । ଏମିତି ଘଟଣା କଷିଆ ସାମୁଦ୍ରୀକ ଥାନା ଅଧିନ ବିଦେଇପୁର ପଞ୍ଚାୟତର ଡିହମଳିକସାହିରେ ବୋଲି ଜାଣିବାକୁ ମିଳିଛି । ଏନେଇ ଥାନାଧିକାରିଣୀ ସାବିତ୍ରୀ ପଣ୍ଡା କୁହନ୍ତି, ଡିହମଳିକ ସାହିର ଗଣ୍ଡଗୋଳ,ମାରପିଟ ଘଟଣାରେ କଷିଆ ଥାନାର କର୍ମଚାରୀ ନିରାକର ମଳିକଙ୍କ ପୁଅ ଓମପ୍ରକାଶ ମହିଳାଙ୍କ ଘରେ ପଶି ଟଣାଓଟରା କରିବା କାରଣରୁ ମହିଳାଜଣକ ନିଜକୁ ସୁରକ୍ଷା ଦେବାକୁ ଯାଇ ଓମପ୍ରକାଶକୁ ଚାପୁଡା ମାରିଥିଲେ । ଯାହାକୁ ନେଇ ଗଣ୍ଡଗୋଳର ସୁତ୍ରପାତ ଘଟିଥିଲା । ଗଣ୍ଡଗୋଳ ପରେ ଥାନାରେ ପୃଥକ ପୃଥକ ଚାରିଗୋଟି ଅଭିଯୋଗକୁ ଭିତ୍ତି କରି ମାମଲା ରୁଜୁ କରାଯାଇଥିବା ସହ ଓମପ୍ରକାଶକୁ ଥାନାରେ ଅଟକ ରଖାଯାଇ ଘଟଣାର ତଦନ୍ତ ଜାରି ରହିଛି ।
Popular Categories
Previous article
Next article