ଅମର୍ଦ୍ଦାରୋଡ଼ : ବସ୍ତା ତସହିଲ ଅଧୀନସ୍ଥ ବେଲଗାଁ ମୌଜାର ଏକ ପ୍ଲଟରୁ ଜାଗା ମାଲିକଙ୍କ ଅଗୋଚରରେ ମାଟି ମାଫିଆ ମାନେ ମାଟି ଖୋଳିନେଇଥିବା ନେଇ ଅଭିଯୋଗ ହୋଇଛି। ବିଭାଗୀୟ ଅଧିକାରୀମାନେ ଏ ନେଇ ତଦନ୍ତ ଚଳାଇଛନ୍ତି। ଅଭିଯୋଗ ଅନୁଯାୟୀ ସନ୍ତୋଷପୁର ପଂଚାୟତ ଅନ୍ତର୍ଗତ ଥେଙ୍ଗଡ଼ିଆ ଗାଁର ଯୋଗେଶ୍ବର ଦାସ ଏବଂ ସାନ ଭାଇ କାମେଶ୍ବରଙ୍କର ଗୋଡ଼ିଖାଳ ରାଜସ୍ବ ନିରୀକ୍ଷକଙ୍କ ଅଧୀନସ୍ଥ ବେଲଗାଁ ମୌଜାରେ ୬୯ ଡିସମିଲର ସଂଯୁକ୍ତ ପ୍ଲଟ ରହିଛି। ସ୍ଥାନୀୟ ଦୁଇ ମାଟି ମାଫିଆ ଦୁଇ ଭାଇଙ୍କ ଅଗୋଚରରେ ୨୧୪ ନଂ ପ୍ଲଟର ୨୪ ଡିସମିଲ ଚାଷ ଜମିରୁ ସମ୍ପୂର୍ଣ୍ଣ ମାଟି ଖୋଳି ନେଇଥିବା ଅନ୍ୟ ବ୍ୟକ୍ତିଙ୍କ ଠାରୁ ଖବର ପାଇ ଦୁଇ ଭାଇ ଘଟଣା ସ୍ଥଳରେ ପହଞ୍ଚିଥିଲେ। ମାତ୍ର ମାଟି ମାଫିଆ ସେଠାରୁ ଚମ୍ପଟ୍ ମାରିଥିବା ବେଳେ ସେମାନେ ଜମିରୁ ପାଖା ପାଖି ୧୫ ଫୁଟରୁ ଉର୍ଦ୍ଧ୍ବ ଗଭୀର ଆକାରରେ ମାଟି ଖୋଳି ନେଇ ଚାଷଜମିକୁ ଗାଡ଼ିଆ କରିଦେଇଥିବା ଦେଖି ଘଟଣା ସମ୍ପର୍କରେ ଦୁଇ ଭାଇ ତହସିଲଦାରଙ୍କୁ ଜଣାଇଥିଲେ। ତହସିଲଦାର ରାଧାରଞ୍ଜନ ଦାସଙ୍କ ନିର୍ଦ୍ଦେଶ କ୍ରମେ ଗୋଡ଼ିଖାଳ ରାଜସ୍ବ ନିରୀକ୍ଷକ ମନୋଜ କୁମାର ସେଠୀ ଘଟଣାର ପହଞ୍ଚି ସ୍ଥିତି ଅନୁଧ୍ୟାନ କରିଥିଲେ। ମାଟି ମାଫିଆ ମାନଙ୍କ ମଧ୍ୟରୁ ଜଣେ ଥେଙ୍ଗଡ଼ିଆ ଏବଂ ଅନ୍ୟ ଜଣେ ସନ୍ତୋଷପୁର ଗାଁର ହୋଇଥିବା ଜଣାପଡିଛି। ଜମି ମାଲିକଙ୍କ ଲିଖିତ ଅଭିଯୋଗ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରାଜସ୍ବ ନିରୀକ୍ଷକ ଶ୍ରୀ ସେଠୀ ସୂଚନା ଦେଇଛନ୍ତି।
Popular Categories
Previous article
Next article