ସମାଜ ଡିଜିଟାଲ ଡେସ୍କ: ରେଳ ଟ୍ରାକରେ ଅନେକ ସମୟରେ ଦୁର୍ଘଟଣା ଘଟିବାର ଦୃଶ୍ୟ ସାମ୍ନାକୁ ଆସିଥାଏ। ଅସାବଧାନତା ଯୋଗୁ ଦୁର୍ଘଟଣା ଘଟିଥାଏ। ଏମିତି ଏକ ଦୁର୍ଘଟଣାର ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହେଉଛି। ଲେଭଲ କ୍ରସିଂ ଫାଟକ ପଡ଼ିବା ପୂର୍ବରୁ ଜଣେ କାର ଚାଳକ ଗାଡ଼ିକୁ ଅଟକାଉଛନ୍ତି। କିନ୍ତୁ ପଛରୁ ଆସୁଥିବା ଅନ୍ୟ ଏକ କାର ତାଙ୍କ ଗାଡ଼ିକୁ ଧକ୍କା ଦେବା ଫଳରେ ଗାଡ଼ିଟି ଆଗକୁ ଗଡ଼ି ଟ୍ରାକ ଉପରକୁ ଚାଲିଯାଉଛି। ତେଣୁ ଚାଳକ ଜଣକ ନିଜ କାରକୁ ପଛକୁ ଆଣିବାକୁ ଚେଷ୍ଟା କରୁଛନ୍ତି। ମାତ୍ର ପଛରେ ଫାଟକ ପଡ଼ିଯିବାରୁ ଗାଡ଼ି ପଛକୁ ଯାଇପାରୁ ନାହିଁ। ସେଥିଲାଗି ଚାଳକ ଜଣକ ଫାଟକକୁ ପଛରୁ ଧକ୍କା ଦେଇ ଟ୍ରାକରୁ ବାହାରିବାକୁ ଚେଷ୍ଟା କରୁଛନ୍ତି। ହେଲେ ଗାଡ଼ିର ଚକ ଟ୍ରାକରେ ଫଶିଯାଉଛି। ଫଳରେ ଗାଡ଼ି ଆଗକୁ କିମ୍ବା ପଛକୁ ଯାଇପାରୁ ନାହିଁ। ଏହି ସମୟରେ ହଠାତ ଏକ ଟ୍ରେନ ଚାଲିଆସୁଛି। ଏଥିରେ ହଡ଼ବଡ଼େଇ ଯାଇ ଚାଳକ ଜଣକ ଜୀବନ ବଞ୍ଚାଇବା ଲାଗି କାରରୁ ବାହାରି ବାହାରକୁ ଚାଲିଆସୁଛନ୍ତି। ଟ୍ରେନଟି କାରକୁ ଧକ୍କା ଦେଉଛି ଏବଂ କାର ଚୂରମାର ହୋଇଯାଉଛି। ଆମେରିକାର ଉଟାହ ସହରରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି।
A vehicle pushed onto the tracks after being hit from behind was struck by a train. The driver escaped by jumping out at the last moment.
📍 USA / Utah pic.twitter.com/Pzsjy8zxzZ
— Rosa Linda 🇺🇸 🇺🇸 (@rosalinda5901) February 13, 2025
