ନୂଆଦିଲ୍ଲୀ : ଟିଭିଏସ୍ ମୋଟର କମ୍ପାନୀ ଭାରତରେ ନଜ ଲୋକପ୍ରିୟ ମଡର୍ଣ୍ଣ-ରେଟ୍ରୋ ମୋଟରସାଇକେଲ ଟିଭିଏସ୍ ରୋନିନର ୨୦୨୫ ଏଡିଶନ ଲଞ୍ଚ୍ କରିଦେଇଛି । ନୂଆ ରୋନିନରେ କିଛି ବଡ ଅପଡେଟ୍ସ ଦେଖିବାକୁ ମିଳିଛି ଯାହା ଏହାକୁ ଅଧିକ ଷ୍ଟାଇଲିସ୍ କରୁଛି । ଗାଡିର ୨ଟି ନୂଆ ରଙ୍ଗ ଗ୍ଲାସିୟର ସିଲଭର ଓ ଚାରକୋଲ୍ ଏମ୍ବର ନେଇଆସିଛି କମ୍ପାନୀ । ଏହାର ମିଡ୍ ଭାରିଆଣ୍ଟରେ ଏବେ ଡୁଆଲ ଚ୍ୟାନେଲ୍ ଏବିଏସ୍, ଉତ୍ତମ ବ୍ରେକିଂ ସିଷ୍ଟମ ଓ ସେଫ୍ଟି ମିଳିଥାଏ ।
ନୂଆ ୨୦୨୫ ଟିଭିଏସ୍ ରୋନିନ୍ ୩ ଭାରିଆଣ୍ଟରେ ଉପଲବ୍ଧ ହେବ । ଏହାର ବେସ୍ ଭାରିଆଣ୍ଟରେ ଦାମ୍ ୧.୩୫ ଲକ୍ଷ ଟଙ୍କା(ଏକ୍ସଶୋରୁମ୍) ରହିବ । ମିଡ୍ ଭାରିଆଣ୍ଟ ୧.୪୯ ଲକ୍ଷ ଟଙ୍କା ଓ ଏହାର ଟପ୍ ଭାରିଆଣ୍ଟରେ ଦାମ୍ ୧.୫୯ ଲକ୍ଷ ଟଙ୍କା ରଖିଛି କମ୍ପାନୀ । ବାଇକରେ ୨୨୫.୯ ସିସି ସିଙ୍ଗଲ ସିଲିଣ୍ଡର ଅଏଲ୍ କୁଲ୍ଡ ଇଞ୍ଜିନ୍ ମିଳୁଛି । ଏଥିରେ ୫ ସ୍ପିଡ୍ ଟ୍ରାନ୍ସମିଶନ ଗିୟରବକ୍ସ ଦେଖିବାକୁ ମିଳିବ ।
ସେଫ୍ଟି ଓ ଆଡଭାନ୍ସ ଫିଚର୍ସ ରୂପେ ଡୁଆଲ ଚ୍ୟାନେଲ ଏବିଏସ୍ ସିଷ୍ଟମ, ସ୍ଲିପର କ୍ଲଚ୍, ୟଏସଡି ଫ୍ରଣ୍ଟ ଫୋକର୍ସ ମିଳିବ । ଏହା ବ୍ୟତୀତ ବ୍ଲୁଟୁଥ୍ କନେକ୍ଟିଭିଟି ସହିତ ଡିଜିଟାଲ ଇନଷ୍ଟ୍ରୁମେଣ୍ଟ କ୍ଲଷ୍ଟର ମିଳିବ । ଗ୍ରାହକ ଏହାକୁ ଟିଭିଏସ୍ ଶୋରୁମରୁ କ୍ରୟ କରିପାରିବେ ।
