ଡେସ୍କ: ହତ୍ୟା ଉଦ୍ୟମ ମାମଲାରେ ଆଜୀବନ କାରାଦଣ୍ଡରେ ଦଣ୍ଡିତ ହେବା ପରେ କ୍ରୋଧିତ ହୋଇ ଜଣେ ଦୋଷୀ ଗୁରୁବାର କୋର୍ଟ ରୁମରେ ଜଣେ ମହିଳା ବିଚାରପତିଙ୍କ ଉପରକୁ ଚପଲ ଫିଙ୍ଗିଥିବା ଅଭିଯୋଗ ହୋଇଛି। ଏକ ହତ୍ୟା ମାମଲାର ଶୁଣାଣି ପାଇଁ ଅଭିଯୁକ୍ତଙ୍କୁ ତେଲେଙ୍ଗାନାର ଅତିରିକ୍ତ ଜିଲ୍ଲା ଜଜ୍ କୋର୍ଟରେ ହାଜର କରାଯିବା ପରେ ଏହି ଘଟଣା ଘଟିଛି।
ପୋଲିସ ଆହୁରି ମଧ୍ୟ କହିଛି ଯେ ଚପଲଟି ବିଚାରପତିଙ୍କ ଦେହରେ ବାଜି ନ ଥିଲା। ଫେବ୍ରୁଆରି ୧୧ ତାରିଖରେ ଏଡିଜେ କୋର୍ଟ ଏକ ହତ୍ୟା ଉଦ୍ୟମ ମାମଲାରେ ଆଜୀବନ କାରାଦଣ୍ଡରେ ଦଣ୍ଡିତ ହୋଇଥିବା ବ୍ୟକ୍ତିଙ୍କୁ ଅନ୍ୟ ଏକ ହତ୍ୟା ମାମଲାରେ ଗୁରୁବାର ସେହି ଅଦାଲତରେ ହାଜର କରାଯାଇଥିଲା। ସେତେବେଳେ ଏଭଳି ଘଟଣା ଘଟିଥିବା ଜଣାପଡିଛି।
ଏ ନେଇ କୋର୍ଟ ପରିସରରେ ଆଇନଜୀବୀମାନେ ଦୋଷୀକୁ ମାଡ଼ ମାରିଥିବା ଅଭିଯୋଗ ହୋଇଛି। ଆଜୀବନ କାରାଦଣ୍ଡରେ ଦଣ୍ଡିତ ହୋଇଥିବା ଅଭିଯୁକ୍ତ ବିଚାରପତିଙ୍କ ବିରୋଧରେ କ୍ରୋଧ ପ୍ରକାଶ କରିବା ସହ ତାଙ୍କ ଉପରକୁ ଚପଲ ଫିଙ୍ଗିଥିଲେ ବୋଲି ରଙ୍ଗା ରେଡ୍ଡୀ ଜିଲ୍ଲା ଅଦାଲତ ବାର୍ ଆସୋସିଏସନ୍ ସଭାପତି ୱାଇ କୋଣ୍ଡଲ ରେଡ୍ଡୀ କହିଛନ୍ତି।
