ଗୁରୁଡିଝାଟିଆ : ଆଠଗଡ ବନଖଣ୍ଡରେ ବନ୍ୟପ୍ରାଣୀ ଶିକାର ବଢ଼ି ଚାଲିଛି। କେବେ ହାତୀ, ପୁଣି କେତେବେଳେ ହରିଣ ଓ ବାରହା ଶିକାର ହେଉଛି। ଆଜି ଖୁଣ୍ଟୁଣୀ ବନାଞ୍ଚଳ ପକ୍ଷରୁ ବାରହା ଶିକାର ଅଭିଯୋଗରେ ୩ ଅଭିଯୁକ୍ତଙ୍କୁ ଗିରଫ କରାଯାଇଥିବାବେଳେ ୧୦ କେଜି ମାଂସ ଜବତ କରାଯାଇଛି। ଅଭିଯୁକ୍ତ ୩ ଜଣ ହେଲେ ମାଧବପୁରର ଶତୃଘ୍ନ ବେହେରା, ଚଂପାପୁର ଗାଁର ସିଦ୍ଧାର୍ଥ ବେହେରା ଓ ନୁଆଡ଼ିହ ଗାଁର ଆକୁଳ ପ୍ରଧାନଙ୍କ ପୁଅ ଦୀପକ ପ୍ରଧାନ । ଉଲ୍ଲେଖଯୋଗ୍ୟ ଗତ ମାସ ୨୬ ତାରିଖରେ ବାରହା ଶିକାର କରି ମାଂସ ବିକ୍ରୟ କରୁଥିବାବେଳେ ଖୁଣ୍ଟୁଣୀ ବନାଞ୍ଚଳ ଅଧିକାରୀ ନୀଳମାଧବ ସାହୁ ବିଶେଷ ସୂତ୍ରରୁ ଖବର ପାଇ ଚଢାଉ କରି ଅଭିଯୁକ୍ତ ସିଦ୍ଧାର୍ଥ ଓ ଶତୃଘ୍ନକୁ ଗିରଫ କରି ମାଂସ ଜବତ କରିଥିଲେ। ଅଭିଯୁକ୍ତମାନେ ବାରହା ଶିକାରରେ ସମ୍ପୃକ୍ତଙ୍କ ନାମ ପ୍ରକାଶ କରିବା ସହ କିପରି ଓ ଏହାର ଚେର କେଉଁ ପର୍ଯ୍ୟନ୍ତ ଲମ୍ଭିଛି କହିବା ପରେ ନୁଆଡ଼ିହ ଗାଁର ଦୀପକକୁ ଆଜି ଗିରଫ କରାଯାଇଛି। ଯୋଜନାବଦ୍ଧ ଭାବେ ଅଭିଯୁକ୍ତ ମାନେ ଶିକାରୀଙ୍କୁ ଡାକି ମହାନଦୀ ପଠା ଓ ଚାଷ ଜମିରେ ହାତ ତିଆରି ବୋମାରେ ମାଂସ ରଖି ବାରହା ଶିକାର କରିଥାନ୍ତି। ନାରଙ୍ଗବସ୍ତ୍ ,ନୁଆଡିହ ବ୍ରାହ୍ମଣବସ୍ତ , ସୁନିଆମୁହଁ ଆଦି ଜଙ୍ଗଲରୁ ଶିକାର କରି ମାଂସ ବିକ୍ରୟ କରିଥାନ୍ତି। ହାତ ତିଆରି ବୋମା ତିଗିରିଆ ଅଞ୍ଚଳରୁ ଅଣାଯାଉଥିବାର ବନାଞ୍ଚଳ ଅଧିକାରୀ ତଦନ୍ତରୁ ଜାଣିବାକୁ ପାଇଛନ୍ତି। ଅନ୍ୟ ଅଭିଯୁକ୍ତଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି ବନାଞ୍ଚଳ ଅଧିକାରୀ ସାହୁ କହିଛନ୍ତି।
Popular Categories
Previous article
Next article