ଭୋପାଳ : ମଧ୍ୟପ୍ରଦେଶର ସିଓନି ଜିଲାରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏଠାରେ ବାଘ ନିଜର ଶିକାର ପଛେ ପଛେ ଆସି ଜଙ୍ଗଲୀ ଘୁଷୁରୀ ସହ କୂଅକୁ ଖସି ପଡିଥିଲା । ଏହି ଘଟଣା ପିପରିଆ ହରଦୁଲୀ ଗାଁରେ ଘଟିଛି । ଗାଁ ଲୋକେ ଘଟଣା ବିଷୟରେ ଜାଣିବା ପରେ ହଇଚଇ ସୃଷ୍ଟି ହେବା ସହ ଭୟଭୀତ ହୋଇ ଯାଇଥିଲେ । ଘଟଣା ବିଷୟରେ ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ । ଏହାର ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।
ଭିଡିଓରେ ଦେଖିପାରିବେ, ବାଘ ଓ ଜଙ୍ଗଲୀ ଘୁଷୁରୀ କୂଅରେ ଫସି ରହିଛନ୍ତି । ସକାଳ ସମୟର ଏହି ଘଟଣା ବୋଲି କୁହାଯାଉଛି । ବନ ବିଭାଗ ପହଞ୍ଚିବା ପରେ ଉଦ୍ଧାରକାର୍ଯ୍ୟ ଆରମ୍ଭ କରିଥିଲା ।
Prey & predator struck up in the same well…
Both rescued successfully at Pench.
And as always, predator gets the preference 😌 pic.twitter.com/HZuMPNyz9H— Susanta Nanda (@susantananda3) February 4, 2025
ବନ ବିଭାଗ ଟିମ୍ ପ୍ରଥମେ ବାଘକୁ ସୁରକ୍ଷିତ ଉଦ୍ଧାର କରିବା ପାଇଁ ଖଟିଆ ଓ କ୍ରେନ୍ ବ୍ୟବହାର କରିଥିଲା । ଅନେକ ଚେଷ୍ଟା କରିବା ପରେ ବାଘକୁ ଉଦ୍ଧାର କରାଯାଇ ଜଙ୍ଗଲରେ ଛଡା ଯାଇଥିଲା । ଏହାପରେ ଘୁଷୁରୀକୁ ମଧ୍ୟ ଉଦ୍ଧାର କରାଯାଇଥିଲା। ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି।
ଦେଖନ୍ତୁ ଭିଡିଓ; ଷ୍ଟେଜ୍ ଉପରେ ବରଙ୍କୁ ଖାଲି ଚାପୁଡା, ଜାଣନ୍ତୁ କାରଣ..
