ନୂଆଦିଲ୍ଲୀ : ବିବାହ ସହ ଜଡିତ ଅନେକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ୍ ହୋଇଥାଏ । ଯାହା ସଭିଁଙ୍କୁ ଆଶ୍ଚର୍ଯ୍ୟ ଚକିତ କରିଥାଏ । ନିକଟରେ ଏଭଳି ଏକ ଭିଡିଓ ଭାଇରାଲ୍ ହେଉଛି ଯାହା ସଭିଁଙ୍କ ଧ୍ୟାନକୁ ଆକର୍ଷିତ କରୁଛି।
ଭାଇରାଲ୍ ହେଉଥିବା ଭିଡିଓ କୌଣସି ଫିଲ୍ମର ଦୃଶ୍ୟରୁ କମ୍ ନୁହେଁ । ଏହି ଭିଡିଓଟି ଉତ୍ତରପ୍ରଦେଶର ଝାନ୍ସିରେ ଏକ ବିବାହ ସମାରୋହରେ ଘଟିଛି । ବର ଜଣକ ମଣ୍ଡପରେ ଥିବା ସମୟରେ ପ୍ରଥମ ପତ୍ନୀ ଓ ତାଙ୍କ ପରିବାର ପହଞ୍ଚି ହଇଚଇ ସୃଷ୍ଟି କରିଥିଲେ।
झांसी खबर-
बिना तलाक दिए दूसरी लड़की से शादी कर रहा था पति…पत्नी ने समारोह पहुंच किया जमकर हंगामा।#Jhansi @jhansipolice #viralvideo pic.twitter.com/UOO8gd6GJ0
— HNN24X7 (@HNN24X7) February 3, 2025
ବରଯାତ୍ରୀ କନ୍ୟାଙ୍କ ମଣ୍ଡପ ନିକଟରେ ପହଞ୍ଚି ସାରିଥିଲା । ବର ଷ୍ଟେଜ୍ ଉପରେ ଥିଲେ । ସେହି ସମୟରେ କନ୍ୟାଙ୍କ ବଦଳରେ ଆଉ ଜଣେ ଯୁବତୀ ଷ୍ଟେଜ୍ ଉପରେ ଚଢି ଯାଇଥିଲେ । ଲୋକେ କିଛି ବୁଝିବା ଆଗରୁ ବରଙ୍କ ଉପରେ ଆରମ୍ଭ ହୋଇଯାଇଥିଲା ମାଡ ବର୍ଷା । ମାଡ ମାରୁଥିବା ଯୁବତୀ ବରଙ୍କ ପ୍ରଥମ ପତ୍ନୀ ଓ ପରିବାର ଲୋକେ ବୋଲି ଜଣାପଡିଥିଲା । ଯୁବତୀ ଜଣକ ଅଭିଯୋଗ କରିଥିଲେ, ବର ଜଣକ ତାଙ୍କୁ ଛାଡପତ୍ର ନଦେଇ ଦ୍ୱିତୀୟ ବିବାହ କରୁଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲେ।
ପୁଲିସ ଉଭୟଙ୍କୁ ଥାନାକୁ ନେଇ ପଚରାଉଚରା କରିଥିଲା। ଯୁବତୀ ଜଣକ ପୁଲିସ ନିକଟରେ ଅଭିଯୋଗ କରିଥିଲେ ଯେ, ଯୁବକ ଜଣକ ତାଙ୍କୁ ଛାଡପତ୍ର ନଦେଇ ୨ୟ ବିବାହ କରୁଥିଲେ । ଆଇନ ଅନୁଯାୟୀ ଏହା ଏକ ଦଣ୍ଡନୀୟ ଅପରାଧ। ଭାରତୀୟ ଆଇନ ଅନୁସାରେ, ହିନ୍ଦୁ ବିବାହ ଅଧିନିୟମ ୧୯୫୫ ଅନୁଯାୟୀ, ଯେକୌଣସି ବ୍ୟକ୍ତି ପ୍ରଥମ ପତ୍ନୀଙ୍କୁ ଛାଡପତ୍ର ନଦେଇ ଦ୍ୱିତୀୟ ବିବାହ କରି ପାରିବେ ନାହିଁ। ଏହା ଏକ ଦଣ୍ଡନୀୟ ଅପରାଧ। ପୁଲିସ ଘଟଣାର ତଦନ୍ତ ଆରମ୍ଭ କରିଛି।
Comments are closed.