ମୁମ୍ବାଇ: ବିକ୍ରମ ଭଟ୍ଟ ବଲିଉଡ଼ରେ ହରର ପିଲ୍ମ ପାଇଁ ବେଶ୍ ଲୋକପ୍ରିୟ। ଖୁବଶୀଘ୍ର ତାଙ୍କ ଚଳଚ୍ଚିତ୍ର ‘ତୁମ୍କୋ ମେରି କସମ୍’ ମୁକ୍ତିଲାଭ କରିବାକୁ ଯାଉଛି। ଏହାର ଟିଜର ମଙ୍ଗଳବାର ରିଲିଜ୍ ହୋଇଛି, ଯେଉଁଥିରେ ଥ୍ରୀଲରର ତଡ଼କା ସହ କୋର୍ଟ ରୁମ୍ ଡ୍ରାମା ଦେଖିବାକୁ ମିଳିଛି।
ଫିଲ୍ମ ‘ତୁମ୍କୋ ମେରି କସମ୍’ରେ ଅନୁପମ ଖେର ଏକ ଆଇଭିଏଫ ହସ୍ପିଟାଲ ସହ ଜଡ଼ିତ ଥିବା ନଜର ଆସିଛନ୍ତି। ଏଥିସହ ଫିଲ୍ମର ଟିଜରରେ କୋର୍ଟ ରୁମ୍ ଦୃଶ୍ୟ ମଧ୍ୟ ଦେଖିବାକୁ ମିଳିଛି। ତେବେ ଆଇଭିଏଫ୍ ଏବଂ କୋର୍ଟ ମାମଲା ମଧ୍ୟରେ କ’ଣ ସମ୍ପର୍କ ରହିଛି, ତାହା ଫିଲ୍ମ ଦେଖିବା ପରେ ହିଁ ଜଣାପଡ଼ିବ। କିନ୍ତୁ ଟିଜରରେ ଅନୁପମ ଖେର, ଅଦା ଶର୍ମା ଓ ଈଶା ଦେଓଲଙ୍କ ଦମ୍ଦାର ସଂଳାପ ଶୁଣିବାକୁ ମିଳିଛି।
- Advertisement -
ମାର୍ଚ୍ଚ ୨୧ରେ ପରଦାକୁ ଆସିବ ବିକ୍ରମ ଭଟ୍ଟ ନିର୍ଦେଶିତ ଚଳଚ୍ଚିତ୍ର ‘ତୁମ୍କୋ ମେରି କସମ୍’। ଇନ୍ଦିରା ଏଣ୍ଟରଟେନମେଣ୍ଟ ଏଲଏଲପି ପ୍ରଯୋଜନାରେ ନିର୍ମିତ ଏହି ଚଳଚ୍ଚିତ୍ରକୁ ମହେଶ ଭଟ୍ଟ ମଧ୍ୟ ମିଳିତ ଭାବରେ ନିର୍ମାଣ କରୁଛନ୍ତି।
