ଆଠଗଡ: ଆଠଗଡ ବିଜୁ ଜନତା ଦଳ ପକ୍ଷରୁ ଗୁରୁବାର ସନ୍ଧ୍ୟାରେ ସ୍ଥାନୀୟ ଲକ୍ଷୀବଜାର ମଣ୍ଡପରେ ସହୀଦ ଦିବସ ଆୟୋଜିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ରଣେନ୍ଦ୍ର ପ୍ରତାପ ସ୍ଵାଇଁ ଯୋଗଦାନ କରି ଜାତିର ପିତା ମହାତ୍ମା ଗାନ୍ଧିଙ୍କ ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରି ଉଦବୋଧନ ଦେଇଥିଲେ। ଗାନ୍ଧିଙ୍କ ନୀତି ଆଦର୍ଶ ହେଉଛି ଶାନ୍ତିପୂର୍ଣ୍ଣ ସହାବସ୍ଥାନ, ଉଦାରତାବାଦ ଓ ସର୍ବଧର୍ମ ସମନ୍ୱୟ। ହେଲେ ବିଗତ ୧୦ ବର୍ଷ ମଧ୍ୟରେ ଏହାକୁ ସମ୍ପୂର୍ଣ୍ଣ ଜଳାଞ୍ଜଳି ଦିଆଯାଇଛି ବୋଲି ବିଧାୟକ କହିଥିଲେ। ଗାନ୍ଧିଜୀ ସବୁ ଧର୍ମକୁ ସମ୍ମାନ କରୁଥିଲେ। କିନ୍ତୁ ଆଜି ଦେଶର ଶାସକ ଯେପରି ନିର୍ଦ୍ଦିଷ୍ଟ ସମ୍ପ୍ରଦାୟ ବିରୁଦ୍ଧରେ ଯୁଦ୍ଧ ଡାକରା ଦେଇଛନ୍ତି ତାହା ଚିନ୍ତାଜନକ ଏବଂ ଗାନ୍ଧିଜୀଙ୍କ ନୀତି ଆଦର୍ଶର ପରିପନ୍ଥି। ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ହେଉ ଅବା ଫଟୋଚିତ୍ରରେ ପୁଷ୍ପମାଲ୍ୟ ଦେଇ ଦେଶବାସୀଙ୍କ ସମ୍ମୁଖରେ ଛଳନା କରୁଛନ୍ତି ବୋଲି ପରୋକ୍ଷରେ କେନ୍ଦ୍ର ବିଜେପି ସରକାରକୁ ବିଧାୟକ ଶ୍ରୀ ସ୍ଵାଇଁ କଟାକ୍ଷ କରିଥିଲେ।
Popular Categories
Previous article
Next article