ଗୁରୁଡିଝାଟିଆ: ସତ୍ୟ, ନ୍ୟାୟ ଓ ସେବାର ପୂଜାରୀ ଜାତିର ଜନକ ମହାତ୍ମା ଗାନ୍ଧୀଙ୍କ ତ୍ୟାଗ, ତିତିକ୍ଷା ଦେଶପ୍ରୀତି, ଜୀବନାଦର୍ଶ ଓ ବିଚାରଧାରା ଏବେ ବି ସମାଜ ପାଇଁ ପ୍ରାସଙ୍ଗିକ ବୋଲି ଗୋପବନ୍ଧୁ ସେବିକା ମହାବିଦ୍ୟାଳୟରେ ଗାନ୍ଧିଜୀଙ୍କ ତିରୋଧାନ ଦିବସ ତଥା ସହିଦ ଦିବସ ପାଳନ ଉତ୍ସବରେ ଅନୁଷ୍ଠାନର ନିର୍ଦେଶକ ଶିବରାମ ମିଶ୍ର ମତ ପ୍ରକାଶ କରିଥିଲେ। ମହାବିଦ୍ୟାଳୟର ଉପାଧ୍ୟକ୍ଷା ବାବି ଏସପିଙ୍କ ଅଧ୍ୟକ୍ଷତାରେ ଆୟୋଜିତ ତିରୋଧାନ ଦିବସରେ ନିର୍ଦେଶକ ଶ୍ରୀ ମିଶ୍ର କହିଥିଲେ, ଗାନ୍ଧିଜୀଙ୍କ ଅଂହିସା ମନ୍ତ୍ର ଦ୍ଵାରା ଅଭିମନ୍ତ୍ରିତ ହୋଇ ସମଗ୍ର ଦେଶ ସ୍ଵାଧୀନତା ଆନ୍ଦୋଳନରେ ଝାସ ଦେଇଥିଲେ। ଦେଶ ସ୍ଵାଧୀନତାରେ ଗାନ୍ଧିଜୀଙ୍କ ଭୂମିକା ସମ୍ପର୍କରେ ଆଲୋକପାତ କରି ଉପସ୍ଥିତ ବିଦ୍ୟାର୍ଥୀଙ୍କୁ ଗାନ୍ଧିଜୀଙ୍କ ନିତି ଆଦର୍ଶରେ ଅନୁପ୍ରାଣିତ ହେବାକୁ ପରାମର୍ଶ ଦେଇଥିଲେ। ଅନୁଷ୍ଠାନର ସମସ୍ତ ଶିକ୍ଷୟିତ୍ରୀ, ଶିକ୍ଷକ ଓ ବିଦ୍ୟାର୍ଥୀ ମାନେ ଯୋଗ ଦେଇ ଶ୍ରଦ୍ଧାଞ୍ଜଳି ପ୍ରଧାନ କରିଥିଲେ।
Popular Categories
Previous article
Next article