ପାଟଣା : ଗତକାଲି ରାତିରେ ଟ୍ରକ ଧକ୍କାରେ ସାହାରପଡ଼ା ବ୍ଲକ ଅନ୍ତର୍ଗତ ଖୁଣ୍ଟାପଡା ଗ୍ରାମର ଧନେଶ୍ୱର ମୁଣ୍ଡା(୪୫) ନାମକ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି l ଖବରରୁ ପ୍ରକାଶ ଯେ ଗତକାଲିଠାରୁ ଗୋଜିଟାଙ୍ଗରିଠାରୁ ମୀନାବଜାର ଦେଖି ଧନେଶ୍ଵର ଚାଲି ଚାଲି ନିଜ ଘର ଅଭିମୁଖେ ଫେରୁଥିବାବେଳେ ଖୁଣ୍ଟାପଡା ଗ୍ରାମ ନିକଟ କାଜୁ ଜଙ୍ଗଲ ନିକଟରେ ଗୋଜିଟାଙ୍ଗରି ପଟୁ ଆସୁଥିବା ଏକ ୧୬ ଚକିଆ ଟ୍ରକ ପଛ ପଟୁ ତାଙ୍କୁ ଧକ୍କା ଦେଇଥିଲା ଫଳରେ ଘଟଣାସ୍ଥଳରେ ହିଁ ସେ ମୃତ୍ୟୁ ବରଣ କରିଥିଲେ । ତେବେ ରାତିରେ ଘଟଣା ଜଣା ପଡ଼ିନଥିଲା । ସକାଳ ହେବାରୁ ଦୁର୍ଘଟଣା ବିଷୟରେ ଘର ଲୋକେ ଜାଣିବାକୁ ପାଇଥିଲେ । ଟ୍ରକଟି ମଧ୍ୟ ଦୁର୍ଘଟଣା ଘଟାଇ କାଜୁ ଜଙ୍ଗଲରୁ କିଛି ଦୂରରେ ଅଟକି ରହିଥିଲା ଓ ଆଜି ସକାଳୁ ଉଦୟପୁର ପଟେ ପଳାଇଯାଉଥିଲା ।ଉଦୟପୁର ଲୋକେ ଟ୍ରକଟିକୁ ଅଟକାଇଥିଲେ । ପାଟଣା ପୁଲିସ ଖବରପାଇ ଟ୍ରକକୁ ଜବତ ପାଟଣା ଥାନାକୁ ନେଇଥିଲେ । ଶବକୁ ମଧ୍ୟ ପାଟଣା ସ୍ୱାସ୍ଥ୍ୟକେନ୍ଦ୍ରରେ ବ୍ୟବଚ୍ଛେଦ କରାଯାଇଛି l ପାଟଣା ଥାନା କେସ ନଂ ୧୪।୨୦୨୫ ରେ ଏକ ମାମଲା ରୁଜୁ କରି ଥାନା ଏଏସଆଇ ଗୌର ହରି ଗରଡ଼ିଆ ପ୍ରକାଶ କରିଛନ୍ତି ।
Popular Categories
Previous article
Next article