ନୂଆଦିଲ୍ଲୀ : ଇଂଲଣ୍ଡ ବିରୁଦ୍ଧରେ ଟି୨୦ ମ୍ୟାଚର ସିରିଜ ପାଇଁ ଭାରତୀୟ ଟିମ୍ ଚୟନ ହୋଇଛି । ବିସିସିଆଇ ଏନେଇ ଘୋଷଣା କରିଦେଇଛି । ଭାରତୀୟ ଟିମ୍ ୨୨ ଜାନୁୟାରୀରୁ ଇଂଲଣ୍ଡ ବିରୁଦ୍ଧରେ ଟି୨୦ ସିରିଜ୍ ଖେଳିବ । ଏହା ପରେ ଓ୍ବନଡେ ସିରିଜର ଆୟୋଜନ ହେବ । ତେବେ ଦିନିକିଆ ସିରିଜ୍ ଓ ଚାମ୍ପିୟନ୍ସ ଟ୍ରଫି ପାଇଁ ଟିମ୍ ଚୟନ ହୋଇନି । ଟି୨୦ ପାଇଁ ଦଳକୁ ୧୩ ମାସ ପରେ ମୋହମ୍ମଦ ସାମି ଫେରିଛନ୍ତି । ଆହତ ହେବା ଯୋଗୁଁ ନଭେମ୍ବର ୨୦୨୩ରେ ଓ୍ବନଡେ ବିଶ୍ବ କପ୍ ଫାଇନାଲ ଖେଳିବା ପରେ ସେ ବାହାରିଥିଲେ । ଘୋଷଣା ଅନୁସାରେ ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ବରେ ଟିମ୍ ଖେଳିବ । ସଞ୍ଜୁ ସାମସନ୍, ଅଭିଷେକ ଶର୍ମା, ତିଳକ ବର୍ମା, ହାର୍ଦ୍ଦିକ ପାଣ୍ଡ୍ୟା, ନିତିଶ କୁମାର ରେଡ୍ଡି, ମୋହମ୍ମଦ ସାମି, ଅର୍ଶଦୀପ ସିଂହ, ହର୍ଷିତ ରାଣା, ଧ୍ରୁବ ଜୁରେଲ, ରିଙ୍କୁ ସିଂହ, ଅକ୍ଷର ପଟେଲ, ରବି ବିଶ୍ନୋଇ, ବରୁଣ ଚକ୍ରବର୍ତ୍ତୀ ଓ ଓ୍ବାଶିଂଟନ୍ ସୁନ୍ଦର ଦଳରେ ଖେଳିବା ପାଇଁ ଯୋଜନା ରହିଛି ।
Popular Categories
Previous article
Next article