ଆଠଗଡ: ଆଠଗଡସ୍ଥିତ ଗୋପବନ୍ଧୁ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ (କନିଷ୍ଠ କଲେଜ)ରେ ଆତ୍ମରକ୍ଷା କୌଶଳ ତାଲିମ ଶିବିର ଉଦଘାଟିତ ହୋଇଯାଇଛି। କଲେଜର ଅଧ୍ୟକ୍ଷା ସଂଯୁକ୍ତା ମହାପାତ୍ର ଏହାକୁ ଉଦଘାଟନ କରିବା ଅବସରରେ ଉଦବୋଧନ ଦେଇଥିଲେ। ଅଧ୍ୟକ୍ଷା ଶ୍ରୀମତି ମହାପାତ୍ରଙ୍କ ସମେତ ସମ୍ମାନିତ ଅତିଥି ପ୍ରାଧ୍ୟାପିକା ଡ.ସ୍ନେହଲତା ତ୍ରିପାଠୀ, ଗାୟତ୍ରୀ ଶତପଥି ଓ ସ୍ମିତା ମହାପାତ୍ର ପ୍ରମୁଖ ଛାତ୍ରୀମାନଙ୍କ ପାଇଁ ଆତ୍ମରକ୍ଷା କୌଶଳ ତାଲିମର ଆବଶ୍ୟକତା ଓ ଉପଯୋଗିତା ସମ୍ପର୍କରେ ଆଲୋକପାତ କରିଥିଲେ । ଆତ୍ମରକ୍ଷା କୌଶଳ ପ୍ରଶିକ୍ଷିକା ସଂଗୀତା ବେହେରା ଓ ଲକ୍ଷ୍ମୀପ୍ରିୟା ମହାପାତ୍ର ଆମ୍ତରକ୍ଷା କୌଶଳର କେତେକ ସହଜ ଉପାୟ ପ୍ରଦର୍ଶନ କରିଥିଲେ। ଆସନ୍ତା ଜାନୁୟାରୀ ୧୬ ପର୍ଯ୍ୟନ୍ତ ଚାଲିବାକୁ ଥିବା ଏହି ଶିବିରରେ ୫ଟି ଦଳରେ ବିଭକ୍ତ ୨୩୦ ଜଣ ଛାତ୍ରୀଙ୍କୁ ପ୍ରଶିକ୍ଷଣ ଦିଆଯିବ ବୋଲି ଭାରପ୍ରାପ୍ତ ନୋଡାଲ ଅଧିକାରୀ ସୋନି ଦାସ କହିଛନ୍ତି।
Popular Categories
Previous article
Next article