ସମ୍ବଲପୁର: ସ୍ଥାନୀୟ ଟାଉନ ଥାନା ସମ୍ମୁଖ ଅଞ୍ଚଳରୁ ମଙ୍ଗଳବାର ବିପୁଳ ମାତ୍ରାରେ ନିଶା ଦ୍ରବ୍ୟ ସହିତ ୨ ଜଣଙ୍କୁ ପୁଲିସ ଗିରଫ କରିଛି। ସଦର ଏସଡିପିଓ ତୁଫାନ ବାଗଙ୍କ ସୂଚନାନନୁଯାୟୀ, ଆଜି ଦିନ ସମୟରେ ପେଟ୍ରୋଲିଂ ସମୟରେ ଖବର ପାଇ ଟାଉନ ଥାନା ସମ୍ମୁଖରେ ଥିବା ହିନ୍ଦି ସ୍କୁଲ ନିକଟରେ ପୁଲିସ ଚଢ଼ଉ କରାଯାଇଥିଲା। ଚଢ଼ଉ ସମୟରେ ଟାଉନ ଥାନାର ପଛରେ ରହୁଥିବା ଦାନିବନ୍ଧ ନିବାସୀ ମହମ୍ମଦ ସାହାବାଜ (୨୯) ଓ ଟାଉନ ଥାନା ସମ୍ମୁଖରେ ଥିବା ସାହୁ କଲୋନୀ ଝୁପୁଡିପଡ଼ା ନିବାସୀ ରଙ୍ଗିଲା ମହାନନ୍ଦ (୨୩) ଙ୍କୁ ଧରିଥିଲା। ଧରା ପଡ଼ିଥିବା ଯୁବକଙ୍କ ନିକଟରୁ ୧୭୦ଟି ନିଶା କଫ ସିରପ, ୪ ଲିଟର ଅପମିଶ୍ରିତ ନିଶା କଫ ସିରପ, ୧୪ଟି ଷ୍ଟ୍ରିପ ନିଶା ବଟିକା ଓ ୨ ଲିଟର ଦେଶୀ ମଦ ଜବତ କରାଯାଇଥିଲା। ଏଣୁ ଏକ ମାମଲା ରୁଜୁ କରି ପୁଲିସ ଅଭିଯୁକ୍ତ ମାନଙ୍କୁ ଗିରଫ କରି ଅଦାଲତକୁ ଚାଲାଣ କରିଛି।
Comments are closed.