ସମ୍ବଲପୁର: ସମ୍ବଲପୂର ଜିଲା ର ଜୟନ୍ତପୁର କଲ୍ୟାଣ ମଣ୍ଡପ ଓ ମାନେଶ୍ୱର ଜଳସେଚନ କଲୋନୀ ଠାରେ ବିଭାଜିତ ସ୍ତରୀୟ ପାଣି ପଞ୍ଚାଯତ ପକ୍ଷ ପାଳନ କରାଯାଇଥିଲା। ଏହି ଅବସରରେ ଉପସ୍ଥିତ ଚାଷୀ ତଥା ବିଭିନ୍ନ ପାଣିପଞ୍ଚାୟତର ପ୍ରତିନିଧି ମାନଙ୍କୁ ଜଳର ଉପଯୋଗୀତା, ଆବଶ୍ୟକତା ଓ ସୁବ୍ୟବସ୍ଥିତ ବିନିଯୋଗ କରାଯିବା ନେଇ ଗୁରୁତ୍ବାରୋପ କରିଥିଲେ।ଏହା ସହ କାର୍ଯ୍ୟକ୍ରମ ପାଳନ ଅବସରରେ ପୁର୍ବରୁ ଅନୁଷ୍ଠିତ ହୋଇଥିବା ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରାଯାଇଥିଲା। ଏହି କ୍ରମରେ ରାଜ୍ୟ ସରକାରଙ୍କ ଉଠା ଜଳସେଚନ ବିଭାଜନ ସମ୍ବଲପୂର କାର୍ଯ୍ୟାଳୟ ପକ୍ଷରୁ ଜିଲାର ଜୟନ୍ତପୁର କଲ୍ୟାଣ ମଣ୍ଡପ ଠାରେ ଆୟୋଜିତ କାର୍ଯ୍ୟକ୍ରମରେ ଉଠା ଜଳସେଚନ ବିଭାଜନ ସମ୍ବଲପୂର ପକ୍ଷରୁ ନିର୍ବାହୀ ଯନ୍ତ୍ରୀ, ସମ୍ବଲପୂର ଦେବଗଡ଼଼ ଓ ଝାରସୁଗୁଡ଼ା ଜିଲାର ସହକାରୀ ଯନ୍ତ୍ରୀ ପ୍ରମୁଖ ଉପସ୍ଥିତ ରହିଥିଲେ।ଏଥିରେ ସ୍ଥାନୀୟ ଜିଲା ପରିଷଦ ସଭ୍ୟା କବିତା ସାହୁ ମୁଖ୍ୟ ଅତିଥି ଭାବରେ ଯୋଗଦେଇଥିଲେ। ଏଥି ସହ ଜିଲା ର ମାନେଶ୍ୱର ଜଳସେଚନ କଲୋନୀ ପରିସରରେ ସମ୍ବଲପୂର ଜଳସେଚନ ବିଭାଜନ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ମଧ୍ୟ ବହୁ ଚାଷୀ, ପାଣିପଞ୍ଚାୟତ ପ୍ରତିନିଧି ମାନେ ଉପସ୍ଥିତ ରହିଥିଲେ। ଏହି କାର୍ଯ୍ୟକ୍ରମର ମଧ୍ୟ ପୁର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରାଯାଇଥିଲା।
Comments are closed.