ସମାଜ ଡିଜିଟାଲ ଡେସ୍କ: ଅଲ୍ଲୁ ଅର୍ଜୁନଙ୍କ ଚଳଚ୍ଚିତ୍ର ‘ପୁଷ୍ପା ୨: ଦି ରୁଲ୍’ ଡିସେମ୍ବର ୫ରେ ପରଦାକୁ ଆସିଛି। ସୁକୁମାର ନିର୍ଦେଶିତ ଏହି ଚଳଚ୍ଚିତ୍ରରେ ରଶ୍ମିକା ମନ୍ଦାନା ଓ ଫହାଦ ଫାସିଲ ମଧ୍ୟ ଗୁରୁତ୍ଵପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଏବେ ସମସ୍ତଙ୍କ ନଜର ଏହି ଚର୍ଚ୍ଚିତ ଚଳଚ୍ଚିତ୍ରର ପ୍ରଥମ ଦିନର ଆୟ ଉପରେ। ବକ୍ସ ଅଫିସରେ ହଇଚଇ ସୃଷ୍ଟି କରିଥିବା ଏହି ଚଳଚ୍ଚିତ୍ର ମୁକ୍ତିଲାଭର ପ୍ରଥମ ଦିନରେ ଜବରଦସ୍ତ ଆୟ କରିଛି। ଗୁରୁବାର ପ୍ରଥମ ଦିନରେ ଏହି ଫିଲ୍ମ ଏସଏସ ରାଜାମୌଲୀଙ୍କ ଓସ୍କାର ବିଜୟୀ ଚଳଚ୍ଚିତ୍ର ‘ଆରଆରଆର’କୁ ପଛରେ ପକାଇ ବକ୍ସ ଅଫିସରେ ଆୟ କ୍ଷେତ୍ରରେ ଏକ ନୂଆ ରେକର୍ଡ଼ ସୃଷ୍ଟି କରିଛି। ପ୍ରାୟ ୫୦୦ କୋଟି ଟଙ୍କାର ବଜେଟ୍ରେ ନିର୍ମିତ ‘ପୁଷ୍ପା ୨’ ପ୍ରଥମ ଦିନରେ ମୋଟ୍ ୧୭୫.୧ କୋଟି ଟଙ୍କା ଆୟ କରିଛି। ତେଲୁଗୁ, ହିନ୍ଦୀ, ତାମିଲ, କନ୍ନଡ଼, ମାଲାୟାଲମ ଭାଷାରେ ୧୨ ହଜାର ପରଦାରେ ମୁକ୍ତିଲାଭ କରିଛି ଏହି ଚଳଚ୍ଚିତ୍ର।
‘ପୁଷ୍ପା ୨: ଦି ରୁଲ୍’ ସ୍ପେଶାଲ ସ୍କ୍ରିନିଂରେ ୧୦.୧ କୋଟି ଟଙ୍କା ଆୟ କରିଛି। ଏଥିସହ ଭାରତୀୟ ବକ୍ସ ଅଫିସ୍ ଟିକେଟ୍ ୱିଣ୍ଡୋରେ ୧୬୫ କୋଟି ଟଙ୍କାର ଆୟ କରିଛି। ଏହିଭଳି ଭାବେ ପ୍ରଥମ ଦିନରେ ମୋଟ୍ ଆୟ ୧୭୫.୧ କୋଟି ଟଙ୍କା ଆୟ କରିଛି। ପ୍ରଥମ ଦିନରେ ତେଲୁଗୁରେ ୯୫.୧ କୋଟି, ହିନ୍ଦୀରେ ୬୭ କୋଟି, ତାମିଲରେ ୭ କୋଟି, କନ୍ନଡ଼ରେ ୧ କୋଟି ଏବଂ ମାଲାୟାଲମ ଭାଷାରେ ୫ କୋଟି ଟଙ୍କା ଆୟ କରିଛି ‘ପୁଷ୍ପା ୨’। ‘ଆରଆରଆର’କୁ ବିପୁଳ ବ୍ୟବଧାନରେ ପଛରେ ପକାଇଛି ‘ପୁଷ୍ପା ୨: ଦି ରୁଲ୍’। ରାମ ଚରଣ, ଜୁନିୟର ଏନଟିଆରଙ୍କ ଫିଲ୍ମ ଭାରତରେ ପ୍ରଥମ ଦିନରେ ୧୩୩ କୋଟି ଟଙ୍କା ଆୟ କରିଥିଲା।
Comments are closed.