ସିମୁଳିଆ: ବାଲିଖଣ୍ଡ ଡିଗ୍ରୀ ମହାବିଦ୍ୟାଳୟ ବାଲିଖଣ୍ଡ ବାଲେଶ୍ବରରେ ଆଜି ଯୁବ ରେଡକ୍ରସ୍ ତଥା ଜାତୀୟ ସେବା ଯୋଜନା ଆନୁକୁଲ୍ୟରେ ବିଶ୍ବ ଏଡ୍ସ ଦିବସ ପାଳିତ ହୋଇଯାଇଛି। ଏଇ ଅବସରରେ ବାଲେଶ୍ବର ଜିଲ୍ଳାର ଯୁବ ରେଡକ୍ରସ୍ ସଂଯୋଜକ ଏବଂ ମହାବିଦ୍ୟାଳୟର ଜାତୀୟ ସେବା ଯୋଜନାର ଅଧିକାରୀ ତଥା ଏଇ ସଂସ୍ଥାର ପୂର୍ବତନ ଅଧିକାରୀଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏକଏଡ୍ସ ସଚେତନତା ପଦଯାତ୍ରା ବାଲିଖଣ୍ଡ ବଜାର ପରିକ୍ରମା କରିଥିଲା।
ଏଥିରେ ୧୦୦ ଜଣ ସ୍ବେଛାସେବୀ ଭାଗ ନେଇଥିଲେ। ସଙ୍ଗୀତ ଓ ସ୍ଲୋଗାନ ଜରିଆରେ ଏ ମହାବ୍ୟାଧି ସମ୍ପର୍କରେ ଜନସାଧାରଣଙ୍କୁ ଅବଗତ କରାଯାଇଥିଲା। ଏହାପରେ ମହାବିଦ୍ୟାଳୟର ଅଧ୍ୟକ୍ଷ ବସନ୍ତ କୁମାର ବେହେରାଙ୍କ ସଭାପତିତ୍ବରେ ଏକ ବୈଠକ ଅନୁଷ୍ଠିତ ହୋଇ ଏଡ୍ସର କାରଣ ଓ ନିରାକରଣ ସମ୍ଵନ୍ଧରେ ଆଲୋଚନା କରାଯାଇଥିଲା। ଏତଦ୍ଭିନ୍ନ ଛାତ୍ରଛାତ୍ରୀମାନଙ୍କ ମଧ୍ୟରେ ଏକ ଚିତ୍ରାଙ୍କନ ଓ ଏଡ୍ସ ସଂପର୍କୀୟ ସାଧାରଣ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ସର୍ବଶେଷରେ କର୍ମଚାରୀ ଦାଶରଥି ମହାରଣା ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମକୁ ପରିଚାଳନାରେ ଅଶୋକ କୁମାର ମହାନ୍ତି ସହଯୋଗ କରିଥିଲେ।
