ସମ୍ବଲପୁର : ସମ୍ବଲପୁର ଅଞ୍ଚଳରେ ବ୍ୟାପକ ବେଆଇନ ନିଶା ଦ୍ରବ୍ୟ କାରବାର ଜୋରସୋରରେ ଚାଲିଥିବାରୁ ଏହାକୁ ନିୟନ୍ତ୍ରିତ କରିବାର ସୁରକ୍ଷା ଏଜେନ୍ସି ମାନଙ୍କ ପାଇଁ ଚ୍ୟାଲେଞ୍ଜ ସୃଷ୍ଟି ହୋଇଥିବାରୁ ଏବେ ବିଗତ କିଛି ଦିନ ହେବ ଚଢ଼ଉ ଅଭିଯାନ ଜାରି ରହିଛି । ଏହି କ୍ରମରେ ଅବକାରୀ ବିଭାଗ ପକ୍ଷରୁ ସୋମବାର ସ୍ଥାନୀୟ ଟାଉନ ଥାନା ଅନ୍ତର୍ଗତ ପାଣିଟାଙ୍କି ପଡା ଅଞ୍ଚଳରେ ନିଶା କଫସିରପ ଧରିବା ପାଇଁ ଚଢ଼ଉ କରାଯାଇଥିଲା। ସଦର ଅବକାରୀ ବିଭାଗର ଏକ ଦଳ ଖବର ପାଇ ପାଣିଟାଙ୍କି ପଡା ଅଞ୍ଚଳରେ ଚଢ଼ଉ କରିଥିଲେ। ଚଢ଼ଉ ସମୟରେ ବହିଦାରବନ୍ଧ (ହସ୍ପିଟାଲ କ୍ୟାମ୍ପସ) ରେ ରହୁଥିବା ସୋନୁ ବେହେରା ନାମକ ଜଣେ ୩୨ ବର୍ଷିୟ ଯୁବକଙ୍କ ନିକଟରୁ ଜରିବସ୍ତା ମଧ୍ୟରେ ରଖାଯାଇଥିବା ୨୪୦ଟି ନିଶା କଫ ସିରପ ଜବତ କରାଯାଇଥିଲା । ଅବକାରୀ ଦଳର ପଚରାଉଚୁରା ସମୟରେ ଯୁବକ ଜଣକ ବେଆଇନ ଭାବରେ ଉକ୍ତ ନିଶା କଫ ସିରପ ଗୁଡିକୁ ପଶ୍ଚିମବଙ୍ଗ ରାଜ୍ୟରୁ ସମ୍ବଲପୁରକୁ ଚୋରାରେ ଚାଲାଣ କରି ଆଣିଥିବା ବେଳେ ସେ ନିଶା କଫ ସିରପ ଗୁଡିକୁ ବିକ୍ରି ପାଇଁ ନେଉଥିବା ସମୟରେ ଅବକାରୀ ଦଳ ଦ୍ୱାରା ଧରାପଡିଥିଲା। ଜବତ ହୋଇଥିବା ନିଶା କଫ ସିରପ ଗୁଡିକର ଆନୁମାନିକ ମୂଲ୍ୟ ୪୮ ହଜାର ଟଙ୍କା ହେବ। ଏକ ମାମଲା ରୁଜୁ କରି ଗିରଫ ଅଭିଯୁକ୍ତକୁ ଅଦାଲତକୁ ଚାଲାଣ କରାଯାଇଛି ବୋଲି ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି ।
ବାସ୍ତୁର ୧୦ଟି ସରଳ ଉପାୟ, ପାଳନ କଲେ ଘରେ କେବେ ହେବନି ଧନ ଅଭାବ,ରହିବନି ବାସ୍ତୁ ଦୋଷ..
